|
|
 |
| (GMT+08:00)
2005-12-10 18:19:51
|
 |
|
ຈີນຫວຽດນາມຈັດການເຈລະຈາຊາຍແດນຂັ້ດລັດຖະບານຮອບທີ 12
cri
Author: mo
ຕາມຂ່າວສານຊີນຮວາ: ຈີນຫວຽດນາມໄດ້ຈັດການເຈລະຈາຊາຍແດນຂັ້ນລັດຖະບານຮອບທີ 12 ຢູ່ທີ່ຮ່າໂນຍແຕ່ວັນທີ 8 ຫາວັນທີ 10 ທັນວາ. ສອງຝ່າຍເຫັນດີເລັ່ງລັດຂະບວນວິວັດວັດແທກຊາຍແດນແລະປັກຫລັກໝາຍທາງ, ຮັບປະກັນໃຫ້ສຳເລັດວຽກງານວັດແທກຊາຍແດນແລະປັກຫລັກໝາຍທາງແລະເຊັນເອກະສານລະບອບຄຸ້ມຄອງຊາຍແດນສະບັບໃໝ່ໃນປີ 2008 ຢ່າງຊ້າສຸດ.
ຕາມຊາບວ່າ, ທ່ານອູຕ້າເວີຍ ຮອງລັດຖະມົນຕີກະຊວງການຕ່າງປະເທດຈີນແລະທ່ານວູຢົງ ຮອງລັດຖະມົນຕີຫວຽດນາມຕ່າງໄດ້ນຳພາຄະນະຜູ້ແທນເຂົ້າຮ່ວມການເຈລະຈາຄັ້ງນີ້.
ສອງຝ່າຍໄດ້ສະຫລຸບການຄືບໜ້າທີ່ໄດ້ຮັບໃນການເຈລະຈາຊາຍແດນຂອງສອງປະເທດ, ແລະໄດ້ຈັດວາງຢ່າງລະອຽດຕໍ່ວຽກງານໃນໄລຍະຂ້າງໜ້າ. ສອງຝ່າຍເຫັນດີສືບຕໍ່ປະສານສົມທົບກັນຢ່າງໃກ້ຊິດ, ປະຕິບັດສັນຍາຮ່ວມມືດ້ານການປະມົງຢູ່ອ່າວພາກເໜືອຢ່າງແທ້ຈິງ, ພ້ອມກັນພະຍາຍາມປົກປັກຮັກສາລະບຽບການຜະລິດທີ່ເປັນປົກກະຕິຂອງອ່າວພາກເໜືອ, ເລີ່ມລາດຕະເວັນຮ່ວມຂອງທະຫານເຮືອຂອງສອງປະເທດໂດຍໄວ.
ສອງຝ່າຍຍັງເຫັນດີສ້າງຕັ້ງໜ່ວຍງານຮ່ວມຂອງການເຈລະຈາຂີດແບ່ງຊາຍແດນເຂດທະເລນອກປາກອ່າວພາກເໜືອຈີນຫວຽດນາມ, ດຳເນີນການເຈລະຈາກ່ຽວກັບການຂີດແບ່ງເຂດທະເລນອກປາກອ່າວ ແລະບັນຫາພ້ອມກັນພັດທະນາທີ່ສອງຝ່າຍຫາລືຕົກລົງກັນ, ສືບຕໍ່ຄົ້ນຄວ້າບັນຫາຮ່ວມກັນພັດທະນາທະເລຈີນໃຕ້ຢ່າງຕັ້ງໜ້າ, ຊຸກຍູ້ໂຄງການຮ່ວມມືໃນຂົງເຂດທີ່ມີຄວາມສະດຸ້ງໄວຕ່ຳຢູ່ເທິງທະເລ.
|
|
|
