|
ທ່ານຈ່າງອີ້ຊານກ່າວເນັ້ນວ່າ, ການປົກປ້ອງສາມັນຊົນໃນການປະທະກັນຄວນຍຶດໝັ້ນຫລັກການເປັນກາງ
cri
Author: MO
ຕາມຂ່າວCRI: ວັນທີ 9 ທັນວາ, ທ່ານຈ່າງອີ້ຊານ ຮອງຜູ້ແທນຈີນປະຈຳອົງການສະຫະປະຊາຊາດໄດ້ປະກອບຄຳຄິດຄຳເຫັນໃນກອງປະຊຸມອະພິປາຍຢ່າງເປີດເຜີຍຂອງສະພາຄວາມໝັ້ນຄົງກ່ຽວກັບບັນຫາປົກປ້ອງສາມັນຊົນໃນການປະທະກັນດ້ວຍກຳລັງອາວຸດ, ທ່ານກ່າວເນັ້ນວ່າ, ວຽກງານປົກປ້ອງສາມັນຊົນຕ້ອງເຄົາລົບກົດບັດສະຫະປະຊາຊາດແລະຂໍ້ກຳນົດທີ່ກ່ຽວຂ້ອງໃນກົດໝາຍລະຫວ່າງຊາດ.
ທ່ານຈ່າງອີ້ຊານກ່າວວ່າ, ວຽກງານປົກປ້ອງທຸກລາຍ ລ້ວນແຕ່ບໍ່ໃຫ້ລື່ນກາຍຫລັກການຂອງກົດບັດ, ບໍ່ໃຫ້ທຳລາຍອະທິປະໄຕແລະຜືນແຜ່ນດິນອັນຄົບຖ້ວນຂອງປະເທດສະມາຊິກ. ຜູ້ກອບກູ້ແລະອົງການມະນຸດສະທຳຄວນເຄົາລົບຫລັກການຍຸດຕິທຳ ເປັນກາງ ພາວະວິໄສແລະເປັນອິດສະຫຼະ, ຫລີກເວັ້ນບໍ່ໃຫ້ມ້ວນເຂົ້າຫລືສະໜັບສະໜູນຝ່າຍປະທະກັນໃດໆ. ພ້ອມກັນນັ້ນ, ວຽກງານປົກປ້ອງສາມັນຊົນຕ້ອງເອົາໃຈໃສ່ນຳການປ້ອງກັນການປະທະກັນ, ຊອກຫາວິທີແກ້ໄຂບັນຫາກົກເຄົ້າ.
ທ່ານຈ່າງອີ້ຊານຍັງກ່າວເນັ້ນວ່າ, ການປັ່ນປ່ວນໃດໆລ້ວນແຕ່ມີມູນເຫດສັບສົນ, ບັນດາປະເທດຄວນສຸຂົມຮອບຄອບໃນເວລາວິນິໄສລັດຖະບານຂອງປະເທດອື່ນມີຄວາມສາມາດແລະເຈດຕະນາປົກປ້ອງສາມັນຊົນຂອງເຂົາຫລືບບໍ່?
|
|
