|
|
 |
| (GMT+08:00)
2005-12-10 20:48:16
|
 |
|
ລັດຖະມົນຕີການຕ່າງປະເທດຈີນເຂົ້າຮ່ວມກອງປະຊຸມລັດຖະມົນຕີການຕ່າງປະເທດຂອງກອງປະຊຸມສຸດຍອດອາຊີຕາເວັນອອກ
cri
Author: MO
ຕາມຂ່າວCRI：ວັນທີ 10 ທັນວາຢູ່ກົວລາລຳເບີ ນະຄອນຫລວງມາເລເຊຍ, ທ່ານລີຈ້າວຊິງ ລັດຖະມົນຕີການຕ່າງປະເທດຈີນໄດ້ເຂົ້າຮ່ວມກອງປະຊຸມລັດຖະມົນຕີການຕ່າງປະເທດຂອງກອງປະຊຸມສຸດຍອດອາຊີຕາເວັນອອກ, ແລະແຍກອອກພົບປະທ່ານລັບລົບ ລັດຖະມົນຕີການຕ່າງປະເທດຣັດເຊຍແລະທ່ານດາວເນີ ລັດຖະມົນຕີການຕ່າງປະເທດອົສຕຼາລີ.
ໃນກອງປະຊຸມລັດຖະມົນຕີການຕ່າງປະເທດຂອງກອງປະຊຸມສຸດຍອດອາຊີຕາເວັນອອກ, ທ່ານລີຈ້າວຊິງກ່າວວ່າ, ຝ່າຍຈີນມີເຈດຈຳນົງໃຫ້ຮັກສາການໄຂປະຕູຂອງການຮ່ວມມືອາຊີຕາເວັນອອກ, ເຄົາລົບຄວາມເຫັນຄືກັນທີ່ກ່ຽວຂ້ອງຂອງອາຊຽນ, ສະໜັບສະໜູນອາຊຽນເສີມຂະຫຍາຍບົດບາດນຳທາງ, ເຫັນດີສືບຕໍ່ເອົາກົນໄກຮ່ວມມືຕ່າງໆເຊັ່ນ 10+3 ເປັນບ່ອນອິງແລະຊ່ອງທາງຕົ້ນຕໍ, ຊຸກຍູ້ການຮ່ວມມືອາຊີຕາເວັນອອກໃຫ້ຂະຫຍາຍຕົວຢ່າງສືບເນື່ອງແລະໝັ້ນທ່ຽງ. ຝ່າຍຈີນຍິນດີພ້ອມກັນທຳຄວາມພະຍາຍາມກັບບັນດາປະເທດ, ຮັບປະກັນໃຫ້ກອງປະຊຸມສຸດຍອດຈັດຂຶ້ນຢ່າງສຳເລັດຜົນ, ຊຸກຍູ້ການຮ່ວມມືອາຊີຕາເວັນອອກລົງສູ່ລວງເລິກ, ຊຸກຍູ້ໃຫ້ອາຊີຕາເວັນອອກແລະພາກພື້ນອື່ນໆພ້ອມກັນພັດທະນາແລະຈະເລີນຮຸ່ງເຮືອງ.
ໃນການພົບປະສອງຕໍ່ສອງ, ທ່ານລີຈ້າວຊິງກັບທ່ານລັບລົບ ແລະທ່ານດາວເນີເປັນເອກະສັນຫັນເຫັນດີສືບຕໍ່ພ້ອມກັນພະຍາຍາມ, ປະຕິບັດຄວາມເຫັນຄືກັນອັນສຳຄັນທີ່ຜູ້ນຳຈີນແລະຜູ້ນຳສອງປະເທດຕົກລົງກັນນັ້ນຢ່າງຕັ້ງໜ້າ, ລົງເລິກການຮ່ວມມືຢ່າງແທ້ຈິງໃນທຸກຂົງເຂດ, ຍົກລະດັບການພົວພັນຈີນຣັດເຊຍແລະຈີນອົສຕຼາລີຂຶ້ນສູ່ລະດັບໃໝ່.
|
|
|
