|
|
 |
| (GMT+08:00)
2005-12-11 17:41:59
|
 |
|
ຝ່າຍເຊັນອະນຸສັນຍາກຽວໂຕເຫັນດີເລີ່ມເຈລະຈາຄືນໃໝ່ກ່ຽວກັບເປົ້າໝາຍຫລຸດການລະບາຍ
cri
Author: mo
ຕາມຂ່າວສານຊີນຮວາ: ກອງປະຊຸມດິນຟ້າອາກາດປ່ຽນແປງຂອງໂລກທີ່ດຳເນີນເປັນເວລາສອງອາທິດໄດ້ອັດລົງຢູ່ເມືອງມອນຕຼີໂອແຫ່ງການາດາໃນວັນທີ 10 ທັນວາ. ໃນເວລາສຸດທ້າຍ, ຝ່າຍເຊັນອະນຸສັນຍາກຽວໂຕຈຶ່ງໄດ້ກ້າວເຖິງຂັ້ນຕົກລົງກັນ, ເຫັນດີເລີ່ມຈັດການເຈລະຈາກ່ຽວກັບບັນຫາຫລຸດການລະບາຍອາຍຫ້ອງອຸ່ນຫລັງປີ 2012.
ຜູ້ແທນທີ່ຮ່ວມປະຊຸມເຫັນດີເລີ່ມຕົ້ນຂະບວນວິວັດການເຈລະຈາໜ້າທີ່ຮັບຜິດຊອບຫລຸດການລະບາຍຂອງປະເທດພັດທະນາຫລັງປີ 2012 ຄືໄລຍະຄຳໝັ້ນສັນຍາທີ 2 ຂອງອະນຸສັນຍາກຽວໂຕ, ທັງສ້າງຕັ້ງໜ່ວຍງານໃໝ່ເລີ່ມເຮັດວຽກໃນເດືອນພຶດສະພາປີ 2006. ແຕ່ຝ່າຍອາເມລິກາພຽງແຕ່ເຫັນດີເຂົ້າຮ່ວມການເຈລະຈາທີ່ບໍ່ມີກຳລັງຜູກມັດກ່ຽວກັບການຄົ້ນຄວ້າຫາລືນະໂຍບາຍໄລຍະຍາວແຫ່ງການຄວບຄຸມບໍ່ໃຫ້ທົ່ວໂລກອຸ່ນຂຶ້ນໃນອະນາຄົດ.
ນອກນີ້, ໃນກອງປະຊຸມດັ່ງກ່າວ, 70 ກວ່າປະເທດພວມພັດທະນາຄືຈີນເປັນຕົ້ນໄດ້ສະໜັບສະໜູນໃຫ້ຈັດການເຈລະຈາກ່ຽວກັບເປົ້າໝາຍຫລຸດການລະບາຍອາຍຫ້ອງອຸ່ນຫລັງອະນຸສັນຍາກຽວໂຕ.
|
|
|
