|
|
 |
| (GMT+08:00)
2005-12-15 16:19:47
|
 |
|
ອີຣັກຈັດການເລືອກຕັ້ງລັດຖະສະພາ
cri
Author: min
ຕາມຂ່າວCRI: ຕອນເຊົ້າວັນທີ 15 ທັນວາ, ການເລືອກຕັ້ງລັດຖະສະພາເປັນທາງການເທື່ອທຳອິດຫຼັງສົງຄາມຂອງອີຣັກເລີ່ມຈັດຂຶ້ນຢູ່ແຫ່ງຕ່າງໆຂອງອີຣັກ.
ມີຜູ້ສະໝັກຮັບເລືອກຕັ້ງ 7655 ຄົນເຂົ້າຮ່ວມການເລືອກຕັ້ງເທື່ອນີ້, ຍາດຊີງເອົາ 275 ທີ່ນັ່ງໃນລັດຖະສະພາ. ພົນລະເມືອງອີຣັກຜູ້ມີສິດເລືອກຕັ້ງປະມານ 15 ລ້ານ 5 ແສນຄົນຈະປ່ອນບັດຢູ່ຕາມບ່ອນປ່ອນບັດ 6000 ກວ່າບ່ອນໃນແຫ່ງຕ່າງໆທົ່ວປະເທດ, ເລືອກຕັ້ງລັດຖະສະພາທາງການຂອງອີຣັກທີ່ມີອາຍຸຕຳແໜ່ງ 4 ປີ. ການປ່ອນບັດຈະສິ້ນສຸດລົງໃນເວລາ 5 ໂມງແລງມື້ດຽວກັນ. ຜົນການເລືອກຕັ້ງຄາດວ່າຈະປະກາດພາຍໃນສອງສາມອາທິດຂ້າງໜ້າ. ຜູ້ກວດກາອິດສະຫຼະປະມານ 1 ໝື່ນ 2 ພັນຄົນຈະຕິດຕາມກວດກາການປ່ອນບັດ.
ວັນທີ 14 ທັນວາ, ທ່ານອານນານເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການ, ຮຽກຮ້ອງໃຫ້ພົນລະເມືອງຜູ້ມີສິດເລືອກຕັ້ງຂອງອີຣັກຕັ້ງໜ້າເຂົ້າຮ່ວມການເລືອກຕັ້ງລັດຖະສະພາ. ມື້ດຽວກັນ, ອົງການອານເຄດາ ຈີຮັດ ທີ່ນຳໂດຍທ່ານຈາຄາວີ ບຸລຸດ ຜູ້ທີສາມຂອງອົງການອານເຄດາໄດ້ອອກຖະແຫຼງການຢູ່ອິນເຕິເນັດ, ຂົ່ມຂູ່ວ່າຈະເລີ່ມເປີດການຫຼອນໂຈມຕີດ້ວຍກຳລັງຮຸນແຮງຮອບໃໝ່ໃນໄລຍະຈັດການເລືອກຕັ້ງລັດຖະສະພາອີຣັກ.
|
|
|
