|
ຕາມຂ່າວສານຊິນຮວາ: ວັນທີ 16 ທັນວາ, ການປຶກສາຫາລືການເມືອງປະຈຳປີລະຫວ່າງກະຊວງການຕ່າງປະເທດຈີນກັບອົສຕຼາລີຄັ້ງທີ 17 ໄດ້ຈັດຂຶ້ນຢູ່ແຄນເບລາໃນວັນທີ 16 ທັນວາ. ສອງຝ່າຍໄດ້ລົງເລິກແລກປ່ຽນຄວາມເຫັນກ່ຽວກັບການພົວພັນສອງຕໍ່ສອງແລະບັນຫາສາກົນແລະພາກພື້ນທີ່ສອງຝ່າຍສົນໃຈນກັນຳ.
ການປຶກສາຫາລືເທື່ອນີ້ໄດ້ຈັດຂຶ້ນໂດຍທ່ານຢາງແຈຊື ຮອງລັດຖະມົນຕີກະຊວງການຕ່າງປະເທດຈີນແລະທ່ານເອສ໌ເທີລັນຊີ ເລກາທິການໃຫຍ່ກະຊວງການຕ່າງປະເທດແລະການຄ້າອົສຕຼາລີເປັນປະທານຄູ່.
ໃນການປຶກສາຫາລື, ທ່ານຢາງແຈຊືໄດ້ຕີລາຄາສູງຕໍ່ການພົວພັນລະຫວ່າງຈີນກັບອົສຕຼາລີ. ທ່ານເນັ້ນໜັກວ່າ, ຝ່າຍຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນກັບອົສຕຼາລີ, ຍິນດີຊຸກຍູ້ການພົວພັນການຮ່ວມມືຮອບດ້ານກັບອົສຕຼາລີຂະຫຍາຍຕົວຢ່າງບໍ່ຢຸດຢັ້ງຕາມຫຼັກການເຄົາລົບເຊິ່ງກັນແລະກັນ ຕ່າງຝ່າຍຕ່າງມີຜົນປະໂຫຍດແລະພັດທະນາພ້ອມກັນ.
ຝ່າຍອົສຕຼາລີກ່າວລື້ມວ່າຍຶດໝັ້ນນະໂຍບາຍຈີນດຽວຢ່າງເດັດດ່ຽວ, ແລະສະແດງວ່າຍິນດີເພີ່ມທະວີການແລກປ່ຽນແລະການຮ່ວມມືກັບຝ່າຍຈີນໃນບັນດາຂົງເຂດ.
|
