|
ຕາມຂ່າວສານຊິນຮວາ:ວັນທີ25ທັນວາ,ທ່ານສຸວັດ ລິບຕະພັນລົບຮອງນາຍົກລັດຖະມົນຕີໄທເວົ້າວ່າ,ໄທຈະຈັດການເຄື່ອນໄຫວອັນໃຫຍ່ໂຕມະໂຫລານໃນວັນທີ26ທັນວາ,ເພື່ອລະລຶກຄື້ນຊູນາມີມະຫາສະໝຸດອິນເດຍຄົບຮອບ1ປີ,ປະຈຸບັນ,ວຽກງານກະກຽມທຸກລາຍຂອງການເຄື່ອນໄຫວລະລຶກໄດ້ເລັດລັບແລ້ວ.
ຕາມທ່ານຊູວັດແນະນຳວ່າ,ປະມານ10ໂມງເຊົ້າຂອງວັນທີ26ທັນວາເວລາເມືອງໄທ,ການເຄື່ອນໄຫວລະລຶກຈະຈັດຂຶ້ນພ້ອມກັນຢູ່7ແຫ່ງຂອງຈັງຫວັດພູເກັດ,ຈັງຫວັດພັງງາ,ຈັງຫວັດກະບີ່,ຈັງຫວັດຕັງ.ຕອນບ່າຍແລະຕອນຄ່ຳວັນທີ26ທັນວາ,ການເຄື່ອນໄຫວລະລຶກ ຕົ້ນຕໍຈະຈັດຂຶ້ນຢູ່ຈັງຫວັດພັງງາ,ເຖິງເວລານັ້ນ,ສົມເດັດອຸບົນລັດຕະນະ ອັກຄະລາຊະທິດາຂອງໄທຈະຊົງຕາງໜ້າຄອບຄົວຜູ້ປະສົບເຄາະຮ້າຍກ່າວຄຳປາໄສ.
ຝ່າຍໄທຈະມີ5000ຄົນເຂົ້າຮ່ວມການເຄື່ອນໄຫວລະລຶກໃນວັນທີ26ທັນວາ.ນອກນີ້,ຍາດພີ່ນ້ອງຂອງຜູ້ປະສົບເຄາະຮ້າຍຕ່າງປະເທດ,ຜູ້ຕາງໜ້າອົງການຈັດຕັ້ງສາກົນແລະຜູ້ຕາງໜ້າລັດຖະvບານບັນດາປະເທດລວມປະມານ1400ຄົນກໍ່ຈະເຂົ້າຮ່ວມການເຄື່ອນໄຫວທີ່ຈະຈັດຂຶ້ນໃນວັນທີ26ທັນວາ.
|
