|
|
(GMT+08:00)
2005-12-26 21:23:15
|
|
ພັກກ້າວຫນ້າອິສລາແອນປະກາດໂຄງການການເມືອງເທື່ອທຳອິດ
cri
ຕາມຂ່າວສານຊິນຮວາ,ວັນທີ 26 ທັນວາ,ພັກກ້າວຫນ້າທີ່ທ່ານຊາລອນ ນາຍົກລັດຖະມົນຕີອິສລາແອນສ້າງຕັ້ງຂຶ້ນໃຫມ່ໄດ້ຕົກລົງຢ່າງເປັນທາງການວ່າ,ພັກດັ່ງກ່າວຈະຖືການເຈລະຈາສັນຕິພາບກັບປາເລັສຕີນເປັນເປົ້າຫມາຍ ອັນດັບຫນຶ່ງ,ນີ້ແມ່ນພັກກ້າວຫນ້າປະກາດໂຄງການການເມືອງເທື່ອທຳອິດແຕ່ສ້າງຕັ້ງຂຶ້ນມານີ້. ຕາມຫນັງມືພິມມາອາລິຟອິສລາແອນລາຍງານວ່າ,ວັນທີ 26 ທັນວາ,ພັກກ້າວຫນ້າໄດ້ປະກາດໂຄງການພັກທາງລາຍລັກອັກສອນໂດຍຂຽນວ່າພັກດັ່ງກ່າວເຫັນວ່າຕ້ອງສືບຕໍ່ຖືຂະບວນວິວັດສັນຕິພາບກັບປາເລັສຕີນເປັນເປົ້າຫມາຍ,ແລະຈະທຳຄວາມພະຍາຍາມຢ່າງບໍ່ລົດລະເພື່ອເລື່ອງນີ້.ເປົ້າຫມາຍແຫ່ງການເຈລະຈາສັນຕິພາບແມ່ນເພື່ອສ້າງພື້ນຖານໃຫ້ແກ່ການຂີດແບ່ງເຂດຊາຍແດນຖາວອນໃຫ້ອິສລາແອນ,ແລະບັນລຸຄວາມປອດໄພແລະສັນຕິພາບໃນພາກພື້ນແຫ່ງນີ້.
ໂຄງການຍັງຂຽນວ່າ,ເພື່ອເຮັດໃຫ້ອິສລາແອນກາຍເປັນບ້ານເມືອງຂອງຊາວຢິວ,ປະລະທີ່ດິນສ່ວນຫນຶ່ງແມ່ນຈຳເປັນ.
ຫນັງສືພິມດັ່ງກ່າວຍັງໄດ້ຍົກເອົາຄວາມເວົ້າຂອງບຸກຄົນພັກກ້າວຫນ້າລາຍງານວ່າ,ພັກດັ່ງກ່າວ ບໍ່ຫ່ອນຈະຊ່ອຍປາເລັສຕີນສ້າງຕັ້ງປະເທດທີ່ຂຶ້ນກັບພວກເຂົາເຈົ້າເອງ.
|
|
|