|
ເຈົ້າຫນ້າທີ່ອົງການອະນາໄມໂລກສະເຫນີໃຫ້ຊາວກະສິກອນຈີນປົວແປງວິທີລ້ຽງສັດປີກ
cri
ຕາມຂ່າວສານຊິນຮວາ,ວັນທີ 26 ທັນວາ,ຢູ່ທີ່ປັກກິ່ງ,ທ່ານໂອມີ ຊີເກຣູ ຫົວຫນ້າອົງການອະນາໄມໂລກປະຈຳເຂດປາຊີຟິກຕາເວັນຕົກໄດ້ສະເຫນີໃຫ້ຊາວກະສິກອນຈີນປົວແປງວິທີລ້ຽງເກືອສັດປີກໃຫ້ດີຂຶ້ນ,ເພື່ອຄວບຄຸມຢ່າງບັງເກີດຜົນບໍ່ໃຫ້ໄຂ້ຫວັດສັດປີກແຜ່ລະບາດໃນສັດປີກແລະບໍ່ໃຫ້ແຜ່ລາມໄປສູ່ມະນຸດ. ຈີນແມ່ນປະເທດໃຫຍ່ດ້ານການລ້ຽງເກືອສັດປີກ,ປະຈຸບັນ,ຈຳນວນສັດປີກລ້ຽງມີ 14 ຕື້ກວ່າໂຕ.ຢູ່ເຂດຊົນນະບົດທີ່ລ້ຽງສັດປີກຢ່າງໂຮມສູນ,ຫຼາຍຄອບຄົວຈະໄດ້ລ້ຽງເປັດໄກ່ຢູ່ໃນເດີ່ນບ້ານຂອງຕົນ, ຄົນແຕະຕ້ອງສັດປີກຢ່າງໃກ້ຊິດທີ່ສຸດ.ໃນເວລາທ່ານໂອມີ ຊີຈີຣູໃຫ້ສຳພາດຕໍ່ນັກຂ່າວນັ້ນ, ທ່ານກ່າວວ່າ,ການປົວແປງເງື່ອນໄຂລ້ຽງໃຫ້ດີຂຶ້ນແລະຫຼຸດການແຕະຕ້ອງລະຫວ່າງຄົນກັບສັດປີກໃຫ້ຫນ້ອຍລົງນັ້ນຄວນຖືເປັນແຜນການຍາວນານໃນການປ້ອງກັນແລະຄວບຄຸມໄຂ້ຫວັດສັດປີກ.
ກ່ອນຫນ້ານີ້,ລັດຖະບານຈີນໄດ້ຕົກລົງວ່າ,ຈະຖືການປ່ຽນແປງວິທີລ້ຽງສັດປີກກາຍຫນ້າທີ່ປ້ອງກັນແລະຄວບຄຸມໄຂ້ຫວັດສັດປີກ,ລັດຖະບານຍັງປະກາດວ່າຈະໃຊ້ມາດຕະການເພື່ອຕ້ານທານເຊື້ອໂຣກໄຂ້ຫວັດສັດປີກຕໍ່ສັດປີກລ້ຽງທັງຫມົດໃນທົ່ວປະເທດ.
|
|
