|
ຕາມຂ່າວສານຊິນຮວາ:ຕອນຄ່ຳວັນທີ29ທັນວາ,ຢູ່ທີ່ສິງກະໂປ,ທ່ານຢົງບຸນ ເຢ ລັດຖະມົນຕີການຕ່າງປະເທດສິ່ງກະໂປກ່າວວ່າ,ໃນການຄ້າແລະການລົງທຶນກັບຈີນ,ສິງກະໂປໄດ້ຮັບຜົນປະໂຫຍດຢ່າງຫຼວງຫຼາຍ,ການພົວພັນສອງຕໍ່ສອງລະຫວ່າງສິງກະໂປກັບຈີນມີອະນາຄົດທີ່ສະຫວ່າງສະໄຫວທີ່ສຸດ.
ທ່ານຢົງບຸນເຢແມ່ນໃຫ້ທັດສະນະດັ່ງກ່າວໃນເວລາເຂົ້າຮ່ວມການເຄື່ອນໄຫວສະຫຼອງສະມາຄົມການຄ້າສິງກະໂປກັບຈີນສ້າງຕັ້ງຂຶ້ນຄົບຮອບ35ປີ.ທ່ານເວົ້າວ່າ,ໃນຫຼາຍປີມໍ່ໆມານີ້,ເສດຖະກິດຂອງຈີນໄດ້ພັດທະນາຢ່າງວ່ອງໄວ,ການໄປມາຫາສູ່ກັນລະຫວ່າງຈີນກັບສິງກະໂປໄດ້ເພິ່ມທະວີຂຶ້ນຢ່າງບໍ່ຢຸດຢັ້ງ.ທ່ານຍັງໄດ້ຍ້ອງຍໍສະມາຄົມການຄ້າສິງກະໂປກັບຈີນແລະອົງການຈັດຕັ້ງອື່ນໆໄດ້ປະກອບສ່ວນຢ່າງຫຼວງຫຼາຍເຂົ້າໃນການຊຸກຍູ້ການຂະຫຍາຍຕົວຂອງການພົວພັນລະຫວ່າງສິງກະໂປກັບຈີນ.
|
