|
ສ.ປ.ປເກົາຫຼີກ່າວວ່າ, ຫຼັກໝັ້ນແກ້ໄຂບັນຫານິວເຄຼຍຂອງແຫຼມເກົາຫຼີດ້ວຍສັນຕິວິທີບໍ່ໄດ້ປ່ຽນແປງ
cri
ຕາມຂ່າວສານຊິນຮວາ: ວັນທີ 31 ທັນວາ, ໜັງສືພິມໂຣດົງຊິນມູນ, ສຽງຂອງສູນກາງພັກແຮງງານເກົາຫຼີພິມບົດຄວາມວ່າ, ສ.ປ.ປເກົາຫຼີຫວັງໃຫ້ແກ້ໄຂບັນຫານິວເຄຼຍຂອງແຫຼມເກົາຫຼີດ້ວຍວິທີສົນທະນາກັນແລະເປິກສາຫາລືກັນ, ຫຼັກໝັ້ນດັ່ງກ່າວບໍ່ໄດ້ມີການປ່ຽນແປງ.
ເມື່ອໄດ້ຫວນຄືນຂະບວນວິວັດການເຈລະຈາຫົກຝ່າຍກ່ຽວກັບບັນຫານິວເຄຼຍແຫຼມເກົາຫຼີໃນປີນີ້ແລ້ວ, ບົດຄວາມຂຽນວ່າ, ການເຈລະຈາຫົກຝ່າຍບໍ່ໄດ້ມີການຄືບໜ້າແບບບຸກທະລຸ, ສຳຄັນແມ່ນຍ້ອນວ່າອາເມລິກາບໍ່ໄດ້ປະລະນະໂຍບາຍຖືສ.ປ.ປເກົາຫຼເປັນສັດຕູ, ອັນໄດ້ຂັດຂວາງການແກ້ໄຂບັນຫານິວເຄຼຍ. ບົດຄວາມກ່າວເນັ້ນວ່າ, ສ.ປ.ປເກົາຫຼີຈະສືບຕໍ່ຕັ້ງໜ້າທຳຄວາມພະຍາຍາມເພື່ອໃຫ້ແຫຼມເກົ່າຫຼີປອດນິວເຄຼຍ, ມີສັນຕິພາບແລະສະຖຽນລະພາບ, ແຕ່ຖ້າອາເມລິກາສືບຕໍ່ປະຕິບັດນະໂຍບາຍເປັນປໍລະປັກກັບສ.ປ.ປເກົາຫຼີຕໍ່ໄປແລ້ວ, ບັນຫານິວເຄຼຍແຫຼມເກົາຫຼີກໍຈະບໍ່ສາມາດແກ້ໄຂຈົນເທົ່າໃດໆ.
|
|
