ຕາມຂ່າວສານຊິນຮວາ:ວັນທີ2 ມັງກອນ,ທ່ານອາບາສ ປະທານອົງການອຳນາດແຫ່ງຊາດປາເລັສຕິນກ່າວວ່າ,ຖ້າອິສລາແອນຂັດຂວາງຊາວປາເລັສຕິນໄຈຣູຊາແລມເຂົ້າຮ່ວມການປ່ອນບັດ,ທ່ານອາດຈະເລື່ອນເວລາຈັດການເລືອກຕັ້ງຄະນະກຳມະການນິຕິບັນຍັດປາເລັສຕິນທີ່ຈະຈັດຂຶ້ນໃນວັນທີ25 ມັງກອນ.ນີ້ແມ່ນທ່ານອາບາສສະແດງວ່າອາດຈະເລື່ອນເວລາຈັດການເລືອກຕັ້ງຄະນະກຳມະການນິຕິບັນຍັດປາເລັສຕິນຢ່າງເປີດເຜີຍເປັນເທື່ອທຳອິດ.
ປະຈຸບັນ,ອິສລາແອນຍັງບໍ່ທັນໄດ້ຕົກລົງຈະອະນຸຍາດຊາວປາເລັສຕິນ2ແສນຄົນຢູ່ໄຈຣູຊາແລມເຂົ້າຮ່ວມການເລືອກຕັ້ງຄະນະກຳມະການນິຕິບັນຍັດປາເລັສຕິນຫລືບໍ່.ຝ່າຍອິສລາແອນກ່າວວ່າ,ອີງຕາມສັນຍາສັນຕິພາບທີ່ປາເລັສຕິນກັບອິສລາແອນກ້າວເຖິງຂັ້ນຕົກລົງກັນໃນທຳອິດ,ຝ່າຍປາເລັສຕິນຈະຈັດການເຄື່ອນໄຫວທີ່ມີລັກສະນະການເມືອງໃດໆຢູ່ໄຈຣູຊາແລມບໍ່ໄດ້.
|