ຕາມ​ຂ່າວcri:ວັນ​ທີ6 ມັງກອນ,ທ່ານ​ຂົງຊວນ ​ໂຄສົກ​ກະຊວງການ​ຕ່າງປະ​ເທດ​ຈີນ​ກ່າວ​ວ່າ,​ຝ່າຍ​ຈີນ​ເອົາ​ໃຈ​​ໃສ່​ສຸຂະພາບ​ຂອງ​ທ່ານຊາ​ຣອນ ນາຍົກລັດຖະມົນຕີອິສຣາ​ແອນ,​ແລະ​ອວຍພອນ​ທ່ານ​ຟື້ນ​ຟູສຸຂະພາບ​ເປັນ​ປົກກະຕິ​ໂດຍ​ໄວ.

ຕອນ​ຄໍ່າ​ວັນ​ທີ4 ມັງກອນ,ທ່ານ​ຊາ​ຣອນ ນາຍົກລັດຖະມົນ​ຕີ​ອິສລາ​ແອນ​ຖືກ​ສົ່ງ​ໄປ​ໂຮງຫມໍ​ຮາ​ດາ​ຊາ​​ເຈຣູຊາ​ແລມຍ້ອນ​ເປັນລົມ​ແລະ​ພະ​ຍາດ​ເລືອດ​ອັ່ງ​ສະຫມອງ,ວັນ​ທີ5 ມັງ​ກອນ​ໄດ້​ຜ່າຕັດ​ສະຫມອງ​ແລ້ວ​ສົ່ງ​ເຂົ້າ​ຫ້ອງຄົນປ່ວຍຫນັກ.ຕອນ​ຄໍ່າ​ວັນ​ທີ5 ມັງ​ກອນ,ທ່ານຫມໍ​ຂອງ​ໂຮງຫມໍ​ຮາ​ດາ​ຊາກ່າວ​ວ່າ,ສະຫມອງ​ຂອງ​ທ່ານ​ຊາຣອນຖືກທຳລາຍ​ຖາວອນ​ຍ້ອນ​ເປັນ​ລົມ​ແລະ​ເລືອດ​ອອກ​ຫລາຍ,​ແລະ​ເຫັນ​ວ່າ​ທ່ານ​ຊາ​ຣອນ​ອາດ​ຈະເຮັດ​ວຽກ​ບໍ່​ໄດ້​ອີກ​ແລ້ວ.