|
ທ່ານສະທຼາວກ່າວວ່າ, ອີຣັກຄວນສ້າງຕັ້ງລັດຖະບານປະສົມໂດຍໄວ
cri
Author: mo
ຕາມຂ່າວCRI: ວັນທີ 7 ມັງກອນ, ຢູ່ທີ່ແບກແດດ, ທ່ານສະທຼາວ ລັດຖະມົນຕີການຕ່າງປະເທດອັງກິດທີ່ພວມຢ້ຽມຢາມອີຣັກກ່າວວ່າ, ຊາວອີຣັກຄວນລົບລ້າງຄວາມເຫັນຂັດກັນລະຫວ່ງພັກຝ່າຍສາສະໜາ, ແລະສ້າງຕັ້ງລັດຖະບານປະສົມໂດຍໄວເທົ່າທີ່ຈະໄວໄດ້.
ມື້ດຽວກັນ, ຢູ່ແບກແດດ ພາຍຫລັງເຈລະຈາກັບທ່ານທາລາບານີ ປະທານາທິບໍດີແລະທ່ານຈາຟາລີ ນາຍົກລັດຖະມົນຕີຂອງລັດຖະບານຂ້າມຜ່ານອີຣັກແລ້ວ, ທ່ານສະທຼາວກ່າວວ່າ, ທ່ານສະໜັບສະໜູນອີຣັກສ້າງຕັ້ງລັດຖະບານປະສົມຂອງຊາດໂດຍໄວ. ທ່ານສະທຼາວຍັງກ່າວວ່າ, ທະຫານອັງກິດທີ່ປະຈຳຢູ່ອີຣັກຈະຖອນອອກຈາກອີຣັກພາຍໃນບໍ່ທໍ່ໃດເດືອນຂ້າງໜ້າ. ທ່ານກ່າວວ່າ, ການຖອນທະຫານຈະເລີ່ມຕົ້ນໃນເວລາທະຫານອີຣັກເຫັນວ່າຕົນເອງມີຄວາມສາມາດຢ່າງເຕັມທີ່ຫາບແບກວຽກງານປ້ອງກັນຄວາມປອດໄພຂອງເຂດທີ່ທະຫານອັງກິດຄວບຄຸມ.
ຫລັງການເຈລະຈາ, ທ່ານທາລາບານີກ່າວວ່າ, ຝ່າຍຕ່າງໆຂອງອີຣັກໄດ້ເຫັນດີສ້າງຕັ້ງລັດຖະບານສາມັກຄີຊາດ, ແຕ່ຍັງມີຄວາມເຫັນຂັດກັນໃນຂໍ້ປີກຍ່ອຍລະອຽດ. ທ່ານຈາຟາລີພັດກ່າວວ່າ, ລັດຖະບານອີຣັກຈະປະຕິບັດແຜນການປ້ອງກັນຄວາມສະຫງົບສະບັບໃໝ່ໃນຫຼາຍມື້ຂ້າງໜ້າເພື່ອຮັບມືກັບເຫດການຫລອນໂຈມຕີດ້ວຍກຳລັງຮຸນແຮງພາຍໃນປະເທດເພີ່ມຂຶ້ນ.
|
|
