|
|
 |
| (GMT+08:00)
2006-01-10 11:39:11
|
 |
|
ອາເມລິກາເຕືອນໃຫ້ສປປເກົາຫລີຟື້ນຟູການເຂົ້າຮ່ວມການເຈລະຈາ 6 ຝ່າຍໂດຍໄວ
cri
Author: mo
ຕາມຂ່າວສານຊີນຮວາ: ວັນທີ 9 ມັງກອນ, ທ່ານແມັກໂຄມາກ ໂຄສົກກະຊວງການຕ່າງປະເທດອາເມລິກາເຕືອນໃຫ້ສປປເກົາຫລີຟື້ນຟູການເຂົ້າຮ່ວມການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫລີໂດຍໄວ, ແລະກ່າວວ່າ, ອາເມລິກາຈະແຕ່ງຜູ້ແທນພົວພັນກັບຝ່າຍສປປເກົາຫລີກ່ຽວກັບບັນຫາດັ່ງກ່າວ.
ທ່ານແມັກໂຄມາກ ຍັງໄດ້ປະຕິເສດວ່າ ອາເມລິກາລົງໂທດສປປເກົາຫລີທາງເສດຖະກິດແຕ່ປີກາຍມານີ້ມີການພົວພັນກັບການລົບລ້າງອາວຸດນິວເຄຼຍຂອງສປປເກົາຫລີ. ທ່ານເວົ້າວ່າ, ເພື່ອປົກປັກຮັກສາຜົນປະໂຫຍດຂອງຕົນແລະສະກັດກັ້ນການເຄື່ອນໄຫວທີ່ຜິດກົດໝາຍ, ອາເມລິກາຈະສືບຕໍ່ລົງໂທດສປປເກົາຫລີ.
ເດືອນພະຈິກປີ 2005, ກອງປະຊຸມໄລຍະທີໜຶ່ງຂອງການເຈລະຈາ 6 ຝ່າຍຮອບ 5 ກ່ຽວກັບບັນຫານິວເຄຼຍແຫຼມເກົາຫລີໄດ້ຈັດຂຶ້ນຢູ່ປັກກິ່ງ. ກ່ອນໜ້ານີ້, ອາເມລິກາໄດ້ງົດຊັບສິນຂອງບໍລິສັດສປປເກົາຫລີ 8 ຫຼັງທີ່ຢູ່ອາເມລິກາດ້ວຍຂໍ້ອ້າງທີ່ວ່າຖືກສົງໄສຜະລິດເງິນປອມ ຟອກເງິນ ແລະຄ້າເຖື່ອນຢາເສບຕິດເປັນຕົ້ນ, ແລະໄດ້ລົງໂທດສປປເກົາຫລີໃນດ້ານການທະນາຄານ.
|
|
|
