|
ຜູ້ນຳພັກໂຄເມໂຕຍີ່ປຸ່ນເຫັນວ່າ, ນາຍົກລັດຖະມົນຕີຊຸດໜ້າບໍ່ຄວນໄປນະມັດສະການວັດຢາຊືຄູນີ
cri
Author: mo
ຕາມຂ່າວສານຊີນຮວາ: ໜັງສືພິມອາຊີຮີ ຊິມບູນຂອງຍີ່ປຸ່ນສະບັບວັນທີ 12 ມັງກອນລາຍານວ່າ, ວັນທີ 11 ມັງກອນ, ທ່ານຄານຈາຕີ ທາເຄໂນຣີ ຜູ້ນຳພັກໂຄເມໂຕ ພັກກຳອຳນາດປະສົມຂອງຍີ່ປຸ່ນເວົ້າວ່າ, ນາຍົກລັດຖະມົນຕີຊຸດໜ້າຂອງຍີ່ປຸ່ນບໍ່ຄວນໄປນະມັດສະການວັດຢາຊືຄູນີ, ມີແຕ່ເຮັດແນວນີ້ຈຶ່ງສາມາດປົວແປງ ການພົວພັນລະຫວ່າງຍີ່ປຸ່ນກັບປະເທດໃກ້ຄຽງຢູ່ອາຊີໄດ້.
ທ່ານຄາຈາຄີ ທາເຄໂມຣີເວົ້າວ່າ, ຍ້ອນທ່ານໂຄອີຈູມີ ຈູນີຊີໂລ ນາຍົກລັດຖະມົນຕີຊຸດປະຈຸບັນໄປນະມັດສະການວັດຢາຊືຄູນີ, ການພົວພັນລະຫວ່າງຍີ່ປຸ່ນກັບຈີນແລະສ.ເກົາຫລີໄດ້ຊຸດຮ້າຍລົງ, ສ່ວນວ່າພະຍາຍາມປົວແປງການພົວພັນກັບສອງປະເທດດັ່ງກ່າວແມ່ນໜ້າທີ່ສຳຄັນຂອງຄະນະລັດຖະບານຊຸດໜ້າ.ທ່ານຄານຈາຕີ ທາເຄໂນຣີເວົ້າວ່າ, ວັດຢາຊືຄູນີບໍ່ພຽງແຕ່ໄດ້ຕັ້ງປ້າຍອາຊະຍາກອນສົງຄາມຂັ້ນກ.ໃນສົງຄາມໂລກຄັ້ງທີສອງທໍ່ນັ້ນ, ຍັງໄດ້ເວົ້າຍ້ອມສົງຄາມໃນອະດີດ, ໃນຖານເປັນນາຍົກລັດຖະມົນຕີໄປນະມັດສະການວັດຢາຊືຄູນີແມ່ນບໍ່ສອດຄ່ອງກັບນະໂຍບາຍຂອງລັດຖະບານ.
|
|
