|
ອົງການທ່ອງທ່ຽວໂລກຮຽກຮ້ອງໃຫ້ບັນດາປະເທດຮັບມືກັບການຂົ່ມຂູ່ຈາກໄຂ້ຫວັດສັດປີກຢ່າງລະມັດລະວັງ
cri
Author: mo
ຕາມຂ່າວສານຊີນຮວາ: ໂດຍແນໃສ່ສະພາບພະຍາດໄຂ້ຫວັດສັດປີກທີ່ເກີດຂຶ້ນຢູ່ຕວກກີໃນຫວ່າງໆນີ້, ວັນທີ 12 ມັງກອນ, ອົງການທ່ອງທ່ຽວໂລກທີ່ຕັ້ງສຳນັກງານໃຫຍ່ຢູ່ມາດຼິດຮຽກຮ້ອງໃຫ້ບັນດາປະເທດຮັບມືຢ່າງລະມັດລະວັງກັບການຂົ່ມຂູ່ທີ່ອາດຈະມີຂຶ້ນຍ້ອນພະຍາດ, ແຕ່ເຫັນວ່າ, ປັດຈຸບັນ, ຍັງບໍ່ຈຳເປັນໃຊ້ມາດຕະການຈຳກັດການທ່ອງທ່ຽວ.
ມື້ດຽວກັນ, ໃນປະກາດແຈ້ງການສະບັບໜຶ່ງ ທ່ານຟຼານເກຍລີ ເລຂາທິການໃຫຍ່ອົງການທ່ອງທ່ຽວໂລກຊີ້ອອກວ່າ, ອົງການດັ່ງກ່າວໄດ້ຕິດຕໍ່ພົວພັນກັບອົງການອະນາໄມໂລກແລະອົງການອື່ນທີ່ກ່ຽວຂ້ອງກັບການທ່ອງທ່ຽວໂດຍຕະຫຼອດ, ຕິດຕາມການຂະຫຍາຍຕົວຂອງພະຍາດໄຂ້ຫວັດສັດປີກຢ່າງໃກ້ຊິດ, ຕາບໃດພະຍາດລະບາດ, ຂະແໜງການທ່ອງທ່ຽວກໍຮັບມືໄດ້ຢ່າງເໝາະສົມ.
|
|
