ຕາມ​ຂ່າວສານ​ຊິນ​ຮວາ:​ອີງ​ຕາມ​ຜົນ​ສະຖິຕີ​ໃນ​ເບື້ອງ​ຕົ້ນ​ຂອງ​ຄະນະ​ກຳມະການ​ການ​ເລືອກ​ຕັ້ງ​ແຫ່ງ​ຊາດ​ກຳປູ​ເຈຍ,ພັກ​ປະຊາ​ຊົນ​ທີ່​ຄອງ​ອຳ​ນາດ​ຂອງ​ກຳປູ​ເຈຍ​ໄດ້​ຮັບ​ທີ່​ນັ່ງ​ຫຼາຍ​ກວ່າ​ໝູ່​ໃນ​ການ​ເລືອກ​ຕັ້ງ​ສະພາ​ສູງ​ຄັ້ງ​ທຳ​ອິດ​ທີ່​ຈັດ​ຂຶ້ນ​ໃນ​ວັນທີ22​ມັງກອນ.

 ພັກ​ປະຊາຊົນ​ກຳປູ​ເຈຍ,ພັກ​ຟູ​ນຊິນ​ເປັກ,ພັກ​​ສຳລັງ​ສີແລະ​ພັກ​ປະຊາ​ທິປະ​ໄຕຂະ​ແມ​ເຊິ່ງ​ເປັນ​ພັກ​ນ້ອຍ​​ອີກ​ພັກ​ໜຶ່ງ ​ໄດ້​ເຂົ້າ​ຮ່ວມ​ການ​ເລືອກ​ຕັ້ງ​ສະພາ​ສູງ​ທີ່​ຈັດ​ຂຶ້ນ​ໃນ​ວັນ​ທີ22​ມັງກອນ,ຊີງ57​ທີ່​ນັ່ງ​ໃນ61​ທີ່​ນັ່ງ​ຂອງ​ສະພາ​ສູງ​ຊຸດ​​​ໃໝ່.ອີງ​ຕາມ​ຜົນ​ສະຖິຕິ​ໃນ​ເບື້ອງ​ຕົ້ນ​ທີ່​ຄະນະ​ກຳ​ມະ​ການ​ການ​ເລືອກ​ຕັ້ງ​ແຫ່ງ​ຊາດ​ກຳປູ​ເຈຍ​ປະກາດ​,ພັກ​ປະ​ຊາ​ຊົນ​ໄດ້​45ທີ່​ນັ່ງ,ພັກ​ຟູ​ນຊິນ​​ເປັກ​ໄດ້​ຮັບ10​ທີ່​ນັ່ງ,ພັກ​ສຳ​ລັງ​ສີ​ໄດ້​ຮັບ2​ທີ່​ນັ່ງ,​ແຕ່​ພັກ​ປະຊາ​ທິປະ​ໄຕ​ຂະ​ແມບໍ່​ໄດ້​ຮັບ​ທີ່​ນັ່ງຈັກ​ທີ່​ເລີຍ.4ທີ່​ນັ່ງ​ທີ່ເຫືຼອ​ນັ້ນ​ໃນ​ສະພາ​ສູງ​ຈະ​ໃຫ້​ເຈົ້າ​ຊີວິດ​ແລະ​ສະພາ​​ແຫ່ງ​ຊາດ​ເປັນ​ຜູ້​ແຕ່ງ​ຕັ້ງ.