|
|
 |
| (GMT+08:00)
2006-01-23 15:48:17
|
 |
|
ໄທກັບມຽນມ້າເປີດຂົວມິດຕະພາບແຫ່ງໃໝ່ໃຫ້ລົດແລ່ນ
cri
ຕາມຂ່າວສານຈີນ: ຂົວມິດຕະພາບແຫ່ງທີສອງທີ່ຂ້າມແມ່ນ້ຳໄຊທີ່ເປັນແມ່ນ້ຳຊາຍແດນລະຫວ່າງໄທກັບມຽນມ້າ, ໄດ້ເປີດໃຫ້ລົດແລ່ນຢູ່ເຂດຊາຍແດນໄທກັບມຽນມ້າໃນວັນທີ 22 ມັງກອນ. ນີ້ໝາຍເຖິງສອງປະເທດໃກ້ຄຽງໃນອາຊີອາຄະເນດັ່ງກ່າວນີ້ຈະຊຸກຍູ້ການແລກປ່ຽນແລະການຮ່ວມມືລະຫວ່າງພວກເຂົາເຈົ້າຕື່ມອີກ.
ຂົວມິດຕະພາບແຫ່ງໃໝ່ນີ້ເຊື່ອມຕໍ່ກັບຈັງຫວັດຊຽງໃໝ່ພາກເໜືອຂອງໄທແລະເມືອງທາຊິເລດເມືອງການຄ້າຊາຍແດນອັນສຳຄັນຂອງມຽນມ້າ, ຍາວ 90ແມັດ, ມີທາງລົດສອງເສັ້ນ, ຫ່າງຈາກຊາຍແດນຈີນກັບມຽນມ້າພຽງແຕ່ປະມານ 100 ກີໂລແມັດ. ຫຼັງຈາກຂົວມິຕະພາບຂ້າມແມ່ນ້ຳໄຊລະຫວ່າງໄທກັບມຽນມ້າແຫ່ງທີໜຶ່ງໄດ້ເປີດໃຊ້ໃນປີ 1967 ແລ້ວ, ການເປີດໃຊ້ຂົວມິດຕະພາບແຫ່ງໃໝ່ຈະບູລະນະເສັ້ນທາງຄົມມະນາຄົມເທິງບົກຈາກໄທໄປຮອດມຽນມ້າກັບຈີນໃຫ້ດີຂຶ້ນຕື່ມອີກຢ່າງແນ່ນອນ.
ຕາມໄດ້ຊາບ, ການຄ້າຊາຍແດນລະຫວ່າງໄທກັບມຽນມ້າກວມ 80% ຂຶ້ນໄປໃນຍອດມູນຄ່າການຄ້າສອງຝ່າຍຂອງສອງປະເທດ, ສະເພາະແຕ່ໃນການຄ້າຊາຍແດນລະຫວ່າງໄທກັບມຽນມ້າໃນປີກາຍນີ້, ມູນຄ່າການຄ້າຂາອອກຂອງໄທກໍໄດ້ບັນລຸ 2 ຕື້ 670 ລ້ານບາດ, ການຄ້າຂາເຂົ້າບັນລຸປະມານ 260 ລ້ານບາດ, ໄທໄດ້ກາຍເປັນປະເທດສົ່ງອອກສິນຄ້າໃຫຍ່ກວ່າໝູ່ຂອງມຽນມ້າແລ້ວ.
|
|
|
