|
|
 |
| (GMT+08:00)
2006-01-24 17:35:39
|
 |
|
ປະທານາທິບໍດີຕີມໍຕາເວັນອອກຮຽກຮ້ອງໃຫ້ອົງການສະຫະປະຊາຊາດສືບຕໍ່ສ້າງອົງການສຳນັກງານຢູ່ຕີມໍຕາເວັນອອກ
cri
ຕາມຂ່າວສານຊິນຮວາ: ວັນທີ 23 ມັງກອນ, ທ່ານກູສມາວ ປະທານາທິບໍດີຕີມໍຕາເວັນອອກໄດ້ກ່າວຄຳປະໄສໃນກອງປະຊຸມເປີດເຜີຍກ່ຽວກັບບັນຫາຕີມໍຕາເວັນອອກຂອງສະພາຄວາມໝັ້ນຄົງອົງການສະຫະປະຊາຊາດ, ຮຽກຮ້ອງໃຫ້ອົງການສະຫະປະຊາຊາດພິຈາລະນາສ້າງສຳນັກງານການເມືອງພິເສດຫຼັງຈາກສຳນັກງານຢູ່ຕີມໍຕາເວັນອອກຈົບກຳນົດແລ້ວ.
ຕາມມະຕິທີ່ສະພາຄວາມໝັ້ນຄົງອົງການສະຫະປະຊາຊາດຜ່ານໃນປີ 1999, ສຳນັກງານຕີມໍຕາເວັນອອກຂອງອົງການສະຫະປະຊາຊາດຈະປິດໃນວັນທີ 19 ພຶດສະພາປີນີ້, ໄດ້ສິ້ນສຸດພາລະກຳທີ່ຍາວເຖິງ 6 ປີ. ທ່ານກູສມາວຮຽກຮ້ອງໃຫ້ອົງການສະຫະປະຊາຊາດສ້າງສຳນັກງານການເມືອງພິເສດຫຼັງຈາກນັ້ນ, ຊ່ອຍຕີມໍຕາເວັນອອກອົບຮົມກອງຕຳຫຼວດແລະປະຕິຮູບລະບົບຕຸລາການແລະການເງິນ, ແລະໃຫ້ການຊ່ອຍເຫຼືອແກ່ການເລືອກຕັ້ງໃນປີ 2007, ຮັບປະກັນໃຫ້ການເລືອກຕັ້ງປະທານາທິບໍດີແລະສະພາຈັດຂຶ້ນຢ່າງສຳເລັດຜົນໃນປີນັ້ນ.
|
|
|
