|
|
 |
| (GMT+08:00)
2006-01-30 19:02:50
|
 |
|
ກອງປະຊຸມເວທີປາໄສເສດຖະກິດໂລກປິ 2006 ອັດປະຊຸມຢູ່ດາວົສ໌
cri
Author: mo
ຕາມຂ່າວCRI：ວັນທີ 29 ມັງກອນ, ກອງປະຊຸມເວທີປາໄສເສດຖະກິດໂລກປະຈຳປີ 2006 ທີ່ຈັດຂຶ້ນຢູ່ເມືອງດາວົສ໌ ແຫຼ່ງທ່ອງທ່ຽວແລ່ນສະກີຢູ່ພາກຕາເວັນອອກສະວິສໄດ້ອັດລົງແລ້ວ.
ຫົວຂໍ້ຫຼັກຂອງກອງປະຊຸມເວທີປາໄສເສດຖະກິດໂລກປະຈຳປີ 2006 ແມ່ນບຸກເບີກປະດິດສ້າງ, ກຳກັບອະນາຄົດ. ບຸກຄົນວົງການຕ່າງໆ 2300 ກວ່າຄົນທີ່ມາຈາກ 89 ປະເທດໄດ້ເຂົ້າຮ່ວມກອງປະຊຸມເທື່ອນີ້. ທ່ານເຈີ່ງເຜີຍຢຽນ ຮອງນາຍົກລັດຖະມົນຕີຈີນໄດ້ນຳພາຄະນະຜູ້ແທນຈີນເຂົ້າຮ່ວມກອງປະຊຸມ, ທັງກ່າວປາຖະກະຖາສຳຄັນໃນກອງປະຊຸມດັ່ງກ່າວ. ການອຸບັດຂຶ້ນຂອງເສດຖະກິດຈີນແລະອິນເດຍພ້ອມທັງຜົນສະທ້ອນຂອງເຂົາທີ່ມີຕໍ່ເສດຖະກິດໂລກນັ້ນໄດ້ກາຍເປັນຫົວຂໍ້ທີ່ກອງປະຊຸມມັກເວົ້າກັນຫຼາຍກວ່າໝູ່. ຜູ້ຮ່ວມປະຊຸມໄດ້ເຫັນໄປໃນແງ່ດີໂດຍທົ່ວໄປຕໍ່ອະນາຄົດຂອງການພັດທະນາເສດຖະກິດຂອງຈີນ, ແລະເຫັນວ່າ, ການພັດທະນາຂອງເສດຖະກິດຈີນແລະອິນເດຍແມ່ນໂອກາດທີ່ຫາຍາກສຳລັບໂລກ.
ນອກຈາກເສດຖະກິດຈີນແລະອິນເດຍແລ້ວ, ກອງປະຊຸມຍັງໄດ້ປຶກສາຫາລືຫົວຂໍ້ຕ່າງໆເຊັ່ນເສດຖະກິດໂລກ, ການຄ້າໂລກ, ບັນຫາຕາເວັນອອກກາງແລະອີຣັກ, ບັນຫານິວເຄຼຍອີຣານ, ການສະໜອງພະລັງງານ, ແລະລາຄານ້ຳມັນເຊື້ອໄຟເປັນຕົ້ນ.
|
|
|
