|
|
 |
| (GMT+08:00)
2006-02-03 20:14:05
|
|
ກ່ຳປັ່ນໂດຍສານເອຢິບລຳໜຶ່ງຫາຍສາບສູນຢູ່ທະເລແດງ
cri
Author: mo
ຕາມຂ່າວCRI: ວັນທີ 3 ກຸມພາ, ເຈົ້າໜ້າທີ່ວຽກງານທະເລເອຢິບຜູ້ໜຶ່ງເວົ້າວ່າ, 7 ໂມງຄ່ຳວັນທີ 2 ກຸມພາ, ກ່ຳປັ່ນໂດຍສານທີ່ບັນທຸກ 1300 ກວ່າຄົນໄດ້ຫາຍສາບສູນຢູ່ທະເລແດງ, ຜູ້ກອບກູ້ໄດ້ເຫັນຊາກສົບແລະເຮືອກູ້ຊີບທີ່ມີຜູ້ລອດຕາຍຢູ່ເທິງທະເລທີ່ມໍ່ກ່ຳປັ່ນຫາຍສາບສູນ.
ກ່ຳປັ່ນໂດຍສານລຳນີ້ຊື່ວ່າ"ຊາລາມ 98"ແມ່ນເດີນອອກຈາກທ່າກ່ຳປັ່ນດາບາຂອງອາລາບີ ຊາອູດິດ, ຕາມແຜນການຈະເດີນໄປເຖິງທ່າຊາຟາກາແຫ່ງເອຢິບໃນ 3 ໂມງເຊົ້າວັນທີ 3 ກຸມພາ. ແຕ່ເມື່ອກ່ຳປັ່ນໂດຍສານອອກຈາກທ່າ 60 ໄມທະເລແລ້ວກໍຂາດການຕິດຕໍ່ກັບຂະແໜງການຄຸ້ມຄອງທະເລ. ພາກສ່ວນທີ່ກ່ຽວຂ້ອງໄດ້ສົ່ງຍົນເຮຣີກົບແລະເຮືອກອບກູ້ໄປເຂດທະເລທີ່ເກີດເຫດ, ແຕ່ຍ້ອນອາກາດຂີ້ຮ້າຍ, ການກອບກູ້ບໍ່ໄດ້ຮັບຜົນຫຍັງ.
ຕາມຊາບວ່າ, ຜູ້ໂດຍສານໃນກ່ຳປັ່ນລຳນີ້ສ່ວນຫຼາຍແມ່ນຄົນເອຢິບ, ໃນນັ້ນ, ລວມທັງຜູ້ກັບຄືນປະເທດຫຼັງສິ້ນສຸດການນະມັດສະການຈຳນວນຫຼວງຫຼາຍ.
|
|
|
