|
|
 |
| (GMT+08:00)
2006-02-05 18:50:48
|
 |
|
ຜູ້ຕາຍຍ້ອນພະຍາດໄຂ້ຫວັດສັດປີກຂອງອິນໂດເນເຊຍເພີ່ມຂຶ້ນຮອດ 16 ຄົນ
cri
Author: mo
ຕາມຂ່າວສານຊີນຮວາ: ວັນທີ 4 ກຸມພາ, ເຈົ້າໜ້າທີ່ກະຊວງສາທາລະນະສຸກອິນໂດເນເຊຍຢືນຢັນວ່າ, ຜ່ານຈາກການກວດກາຂອງຫ້ອງທົດລອງຂອງອົງການອະນາໄມໂລກທີ່ຕັ້ງຢູ່ຮົງກົງ, ໄດ້ມີຜູ້ຊາຍອິນໂດເນເຊຍອີກສອງຄົນຕາຍຍ້ອນພະຍາດໄຂ້ຫວັດສັດປີກ. ນັບມາຮອດປັດຈຸບັນ, ຜູ້ຕາຍຍ້ອນໄຂ້ຫວັດສັດປີກຂອງອິນໂດເນເຊຍໄດ້ເພິ່ມຂຶ້ນຮອດ 16 ຄົນ.
ທ່ານຮາລີອາດີ ວີບີໂຊໂນ ຫົວໜ້າກົມສັດແລະພະຍາດຕິດແປດຂອງກະຊວງສາທາລະນະສຸກອີນໂດເນເຊຍເຜີຍໃຫ້ຮູ້ວ່າ, ວັນທີ 4 ກຸມພາ, ຫ້ອງທົດລອງຮົງກົງຂອງອົງການອະນາໄມໂລກຢືນຢັນວ່າ, ຜົນການກວດກາເລືອດຂອງຜູ້ຊາຍອິນໂດເນເຊຍສອງຄົນທີ່ຕາຍໃນໜຶ່ງອາທິດກ່ອນແມ່ນຜົນບວກ, ພວກເຂົາເຈົ້າເຄີຍແຕະຕ້ອງກັບໄກ່ເຈັບກ່ອນເປັນພະຍາດ. ທ່ານຍັງກ່າວວ່າ, ຜົນການກວດເລືອດຂອງເດັກຍິງແລະເດັກຊາຍທີ່ອາຍຸ 5 ຂວບທີ່ຍັງມີຊີວິດຢູ່ໃນປັດຈຸບັນກໍແມ່ນຜົນບວກເຊັ່ນດຽວກັນ, ສະນັ້ນ, ຜູ້ຕິດເຊື້ອໂຣກໄຂ້ຫວັດສັດປີກແບບ H5N1 ຢູ່ອິນໂດເນເຊຍໄດ້ບັນລຸເຖິງ 23 ຄົນແລ້ວ.
ນັບມາຮອດປັດຈຸບັນ, ຢູ່ອິນໂດເນເຊຍໄດ້ມີ 25 ແຂວງມີພະຍາດໄຂ້ຫວັດສັດປີກ, ຢູ່ 4 ແຂວງໄດ້ມີຄົນຕິດພະຍາດໄຂ້ຫວັດສັດປີກ.
|
|
|
