|
ຕາມຂ່າວcri:ວັນທີ7ກຸມພາ,ທ່ານຊ່າຈູຄ່າງ ຫົວໜ້າຄະນະຜູ້ແທນຈີນທີ່ເຂົ້າຮ່ວມກອງປະຊຸມຝ່າຍເຊັນ《ສົນທິສັນຍາຂອບຄວບຄຸມຢາສູບ》ຄັ້ງປະຖົມມະເລີກ ໄດ້ປະກອບຄຳຄິດຄຳເຫັນຊີ້ອອກວ່າ, ລັດຖະບານຈີນເອົາໃຈໃສ່ໃນລະດັບສູງນຳວຽກງານຮັກສາສຸຂະພາບຂອງປະຊາຊົນແລະຄວບຄຸມໃບຢາສູບ,ແລະສະໜັບສະໜູນປະຊາຄົມໂລກທີ່ໃຊ້ມາດຕະການ ຄວບຄຸມໃບຢາສູບໂດຍຕະຫຼອດ.
ທ່ານຊ່າຈູຄ່າງແນະນຳວ່າ,ໃນຫຼາຍປີມານີ້,ພາຍໃຕ້ຄວາມພະຍາຍາມຂອງລັດຖະບານຈີນ,ວຽກງານຄວບຄຸມໃບຢາສູບໄດ້ຮັບຄວາມຄືບໜ້າທີ່ມີລັກສະນະທາດແທ້ຢູ່ຈີນແລ້ວ.ຈີນໄດ້ປະກາດໃຊ້ກົດໝາຍກົດບັນຍັດຕ່າງໆ,ເຊັ່ນ,"ກົດໝາຍວ່າດ້ວຍການຈຳໜ່ວຍໃບຢາສູບໂດຍຈຳເພາະ","ກົດໝາຍວ່າດ້ວຍການໂຄສະນາສິນຄ້າ"ແລະ"ກົດໝາຍວ່າດ້ວຍການປົກປັກຮັກສາຜູ້ອາຍຸບໍ່ເຕັມກະສຽນ"ເປັນຕົ້ນ,ໄດ້ສ້າງພື້ນຖານກົດໝາຍສຳລັບການຄວບຄຸມໃບຢາສູບ.ພາກສ່ວນທີ່ກ່ຽວຂ້ອງຂອງຄະນະລັດຖະບານຈີນໄດ້ຕັ້ງໜ້າເສີມສ້າງຄວາມສາມາດຄວບຄຸບໃບຢາສູບ.ລັດຖະບານຈີນຈະຍາດແຍ່ງຈັດງານໂອລິມປິກປັກກິ່ງປີ2008ເປັນງານໂອລິມປິກທີ່ປອກຢາສູບ.
ທ່ານຊ່າຈູຄ່າງກ່າວລື້ມວ່າ,ຈີນຈະປະສານກັບສະພາບຕົວຈິງຂອງຕົນ,ວາງແຜນຄວບຄຸມໃບຢາສູບແຫ່ງຊາດ,ປະຕິບັດຕາມສົນທິສັນຍາຢ່າງຕັ້ງໜ້າແລະໝັ້ນທ່ຽງ.
|
