ຕາມ​ຂ່າວcri:ວັນ​ທີ10​ກຸມພາ,​ໂຮງໝໍ​ຢາ​ກາ​ຕາຂອງ​ອິນ​ໂດ​ເນ​ເຊຍ​ຢືນຢັນ​ວ່າ,​ໂຮງໝໍ​ແຫ່ງ​ນີ້​​ໄດ້​ມີ​ຄົນເຈັບ​ຜູ້​ຍິງ​ອີກຜູ້​ໜຶ່ງຕາຍ​ ຍ້ອນ​ໄຂ້ຫວັດ​ສັດ​ປີກ​ ໃນ​ຕອນ​ຄ່ຳ​ວັນ​ທີ9​ກຸມພາ.

ຕາມ​ໂຮງ​ໝໍ​ຢາ​ກາ​ຕາ​ເຜີຍ​ໃຫ້​ຮູ້​ວ່າ,ຜູ້​ຕາຍ​ຜູ້​ນີ້​ ປີ​ນີ້​ອາຍຸ22​ປີ,ມີ​ເຮືອນ​ຢູ່​ຊານ​ເມືອງ​ຢາ​ກາ​ຕາ,5ມື້ກ່ອນ,​​ລາວ​​ໄດ້ເຂົ້າ​ປິ່ນປົວ​ຢູ່ໂຮງໝໍ​ ຍ້ອນ​​ມີອາ​ການ​ຄ້າຍຄື​ໄຂ້ຫວັດ​ສັດ​ປີກ.

ຕາມ​ສະ​ຖິຕິ,ປະຈຸ​ບັນ,ຢູ່​ອິນ​ໂດ​ເນ​ເຊຍ,ຄົນ​ເຈັບ​ທີ່​ຢືນ​ຢັນ​ຄັກ​ແນ່​ວ່າ​ໄດ້ຕິດ​ເຊື້ອ​ພະຍາດ​ໄຂ້ຫວັດ​ສັດ​ປີກ​ນັ້ນ​ມີ24​ຄົນ,​ໃນ​ນັ້ນ 17​ຄົນ​​ໄດ້​​ເສຍ​ຊີວິດ.