|
|
 |
| (GMT+08:00)
2006-02-10 20:24:19
|
 |
|
ປະເທດອາຝິຼກາຈຳນວນໜຶ່ງໃຊ້ມາດຕະການຢ່າງຮີບດ່ວນປ້ອງກັນຄວບຄຸມໄຂ້ຫວັດສັດປີກ
cri
Author: min
ຕາມຂ່າວ CRI: ຫຼັງຈາກວັນທີ 8 ກຸມພາ, ເຂດພາກເໜືອຂອງນີເຊລີອາໄດ້ຢືນຢັນຄັກແນ່ວ່າໄດ້ປະກົດມີຜູ້ຕິດແປດພະຍາດໄຂ້ຫວັດສັດປີກແບບ H5N1 ປະເພດຮ້າຍແຮງຜູ້ທຳອິດຢູ່ອາຝຼິກາແລ້ວ, ປະເທດອາຝຼິກາຈຳນວນໜຶ່ງໄດ້ພາກັນໃຊ້ມາດຕະການຢ່າງຮີບດ່ວນ, ເພື່ອປ້ອງກັນບໍ່ໃຫ້ສະພາບພະຍາດແຜ່ລາມອອກ.
ເບແນງປະເທດທີ່ຕິດກັບນີເຊລີອາທາງພາກຕາເວັນຕົກໄດ້ປະກາດຫ້າມບໍ່ໃຫ້ນຳເຂົ້າສັດປີກແລະຜະລິດຕະພັນປະເພດສັດປີກທັງໝົດຈາກນີເຊລີອາ, ແລະຮຽກຮ້ອງໃຫ້ມວນຊົນລາຍງານຕໍ່ຂະແໜງການກວດກາພະຍາດຢູ່ທ້ອງຖິ່ນຢ່າງວ່ອງໄວທີ່ສຸດເມື່ອໄດ້ປະກົດເຫັນສັດປີກຫຼືນົກປ່າຕາຍ.
ລັດຖະບານນີເຊລີອາຍັງໄດ້ຈັດຕັ້ງໜ່ວຍຮັບມືກັບວິກິດການ.
ໂມລີຕານີປະເທດອາຝຼິກາຕາເວັນຕົກແລະກາບົງປະເທດອາຝຼິກາກາງກໍ່ໄດ້ປະກາດຄຳສັ່ງຫ້າມບໍ່ໃຫ້ນຳເຂົ້າຜະລິດຕະພັນປະເພດສັດປີກຈາກນີເຊລີອາ.
ໃນຂະນະດຽວກັນ, ວັນທີ 9 ກຸມພາ, ອົງການອະນາໄມສັດຂອງໂລກທີ່ສຳນັກງານໃຫຍ່ຕັ້ງຢູ່ປາລີແຫ່ງຝຼັ່ງໄດ້ປະກາດແຈ້ງການ, ສະແດງຄວາມວິຕົກກັງວົນຕໍ່ນີເຊລີອາທີ່ໄດ້ເກີດມີພະຍາດໄຂ້ຫວັດສັດປີກ. ໜ່ວຍຜູ້ຊ່ຽວຊານຂອງອົງການດັ່ງກ່າວແລະອົງການຟາວສະຫະປະຊາຊາດກໍ່ໄດ້ຂ້ຽວເດີນທາງໄປເຂດເກີດພະຍາດ, ເພື່ອປະເມີນສະພາບພະຍາດແລະສະເໜີຂໍ້ສະເໜີດ້ານເຕັກນິກ.
|
|
|
