|
|
 |
| (GMT+08:00)
2006-02-11 17:51:34
|
 |
|
ຜູ້ອຳນວຍການໃຫຍ່ອົງການອະນາໄມໂລກຮຽກຮ້ອງທົ່ວໂລກເພີ່ມທະວີການປ້ອງກັນແລະຄວບຄຸມພະຍາດໄຂ້ຫວັດສັດປີກ
cri
Author: da
ຕາມຂ່າວCRI:ພາຍຫຼັງນິເຊເລຍເກີດມີພະຍາດໄຂ້ຫວັດສັດປີກປະເພດຮ້າຍແຮງ H5N1 ຄັ້ງທຳອິດຢູ່ອາຟຼີກາແລ້ວ,ວັນທີ 10 ກຸມພາ ທ່ານລີຈົງອຸກ ຜູ້ອຳນວຍການໃຫຍ່ອົງການອະນາໄມໂລກໄດ້ໃຫ້ສຳພາດ,ຮຽກຮ້ອງທົ່ວໂລກຈົ່ງເຄື່ອນໄຫວໃນທັນທີ,ເພີ່ມທະວີການປ້ອງກັນແລະຄວບຄຸມໄຂ້ຫວັດສັດປີກ.
ທ່ານລີຈົງອຸກຊີ້ອອກວ່າ,ຖ້າຫາກເຊື້ອພະຍາດ H5N1 ມີການປ່ຽນແປງ,ເລີ່ມມີຄວາມສາມາດແຜ່ລະບາດລະຫວ່າງຄົນກັບຄົນ,ແລະການແຜ່ລະບາດລະຫວ່າງຄົນປະເພດນີ້ບໍ່ຖືກພົບເຫັນໃນໄລຍະເລີ່ມຕົ້ນ,ກໍອາດຈະເກີດມີສະພາບລະບາດໃນທົ່ວໂລກ.ສະນັ້ນ,ທ່ານຮຽກຮ້ອງປະເທດທັງໝົດໃຊ້ມາດຕະການປະຕິບັດຕໍ່ສະພາບພະຍາດໄຂ້ຫວັດສັດປີກອາດຈະລະບາດຢ່າງຂະໜາດໃຫຍ່,ປ້ອງກັນບໍ່ໃຫ້ເຊື້ອພະຍາດ H5N1 ຕິດແປດຄົນ.
ນອກນີ້ ຂ່າວແຈ້ງວ່າ,ສະຖານະການໄຂ້ຫວັດສັດປີກໃນທົ່ວໂລກໃນປະຈຸບັນແມ່ນເບິ່ງໃນແງ່ດີບໍ່ໄດ້.ວັນທີ 10 ກຸມພາ ອາແຊັກບາຢຽນປະກາດວ່າ,ໃນສັດປີກນ້ຳຢູ່ແຄມທະເລກາສປຽນຂອງປະເທດດັ່ງກ່າວໄດ້ກວດພົບເຊື້ອໄຂ້ຫວັດສັດປີກ H5N1,ແຕ່ປະຈຸບັນຍັງບໍ່ທັນປະກົດເຫັນມີຄົນຕິດແປດເຊື້ອພະຍາດ.ມື້ດຽວກັນ,ບຸນກາລີກໍປະກາດວ່າ,ຫ່ານຟ້າຂອງບຸນກາລີທີ່ຖືກສົງໄສຕາຍຍ້ອນເປັນໄຂ້ຫວັດສັດປີກຕົວທຳອິດໄດ້ຖືກຢືນຢັນວ່າ ໄດ້ຕິດເຊື້ອໄຂ້ຫວັດສັດປີກປະເພດ H5 ແທ້.ອົງການອະນາໄມໂລກກໍຢືນຢັນວ່າ ຫວ່າງມໍ່ໆນີ້ ຢູ່ອີຣັກມີ 17 ຄົນຖືກສົງໄສຕິດແປດພະຍາດໄຂ້ຫວັດສັດປີກ.
ມື້ດຽວກັນ,ກອງປະຊຸມລັດຖະມົນຕີກະຊວງກະສິກຳແລະກະຊວງສາທາລະນະສຸກຂອງສະຫະພັນມາເກຼັບໄດ້ຈັດຂຶ້ນຢູ່ຕຸຍນິສ.ຈຸດໜັກຂອງກອງປະຊຸມແມ່ນບັນດາປະເທດວາງແຜນເອກະພາບ,ໃຊ້ການເຄື່ອນໄຫວປະສົມ,ຮັກສາການຮ່ວມມືກັບອົງການສາກົນທີ່ກ່ຽວຂ້ອງ,ເພື່ອພ້ອມກັນປ້ອງກັນໄຂ້ຫວັດສັດປີກ.
|
|
|
