|
|
 |
| (GMT+08:00)
2006-02-12 18:10:21
|
 |
|
ຣັດເຊຍຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງກັບບັນຫາຕາເວັນອອກກາງສົນທະນາກັບອົງການຮາມາສ
cri
Author: da
ຕາມຂ່າວCRI: ວັນທີ 11 ກຸມພາ,ແວບໄຊທາງການຂອງກະຊວງການຕ່າງປະເທດຣັດເຊຍອອກຖະແຫຼງການກ່າວວ່າ,ຣັດເຊຍສະເໜີໃຫ້ບັນດາຝ່າຍທີ່ກ່ຽວຂ້ອງກັບບັນຫາຕາເວັນອອກກາງຈົ່ງສົນທະນາກັນກັບອົງການຮາມາສ ຂະບວນການອິສລາມຕໍ່ຕ້ານຂອງປາເລັສຕີນ,ເພື່ອຊຸກຍູ້ໃຫ້ບັນຫາປາເລັສຕີນອິສລະແອນໄດ້ຮັບການແກ້ໄຂຢ່າງເໝາະສົມ.
ຖະແຫຼງການຂຽນວ່າ,ຫວ່າງມໍ່ໆນີ້ ທ່ານລັຟລົຟ ລັດຖະມົນຕີການຕ່າງປະເທດຣັດເຊຍໄດ້ແຍກອອກໂອ້ລົມທາງໂທລະສັບກັບທ່ານອານນານ ເລຂາທິການໃຫຍ່ສະຫະປະຊາຊາດ ທ່ານນາງລາຍສ໌ ລັດຖະມົນຕີການຕ່າງປະເທດອາເມລິກາ ທ່ານໂຊລານາ ຜູ້ແທນຊັ້ນສູງຂອງສະຫະພາບເອີລົບທີ່ຮັບຜິດຊອບນະໂຍບາຍການຕ່າງປະເທດແລະຄວາມປອດໄພ.ໃນເວລາໂອ້ລົມກັນ ທ່ານລັຟລົຟເວົ້າວ່າ,ຖ້າຫາກປະຊາຄົມໂລກຢາກຊຸກຍູ້ໃຫ້ປາເລັສຕີນອິສລະແອນຈັດຕັ້ງປະຕິບັດແຜນການແຜນທີ່ເສັ້ນທາງສັນຕິພາບຕາເວັນອອກກາງແລະຟື້ນຟູຂະບວນການເຈລະຈາສັນຕິພາບ,ກໍຕ້ອງຖືອົງການຮາມາສເປັນກອງກຳລັງການເມືອງທີ່ສຳຄັນກອງໜຶ່ງແລະສົນທະນາກັບເຂົາໃນທັນທີ.ທ່ານເວົ້າວ່າ,ຂໍ້ສະເໜີຂອງຝ່າຍຣັດເຊຍສອດຄ່ອງກັບຫຼັກໝັ້ນພື້ນຖານຂອງ 4 ຝ່າຍກ່ຽວກັບບັນຫາຕາເວັນອອກກາງໃນການແກ້ໄຂການປະທະກັນລະຫວ່າງປາເລັສຕີນອິສລະແອນທັງນັ້ນ.
|
|
|
