ຕາມ​ຂ່າວCRI: ວັນ​ທີ 11 ກຸມພາ ທ່ານ​ສະ​ໂຕ​ເລ​ສ໌ ລັດຖະມົນຕີ​ກະຊວງ​ສາທາລະນະ​ສຸກ​ອີ​ຕາ​ລີ​ຢືນຢັນ​ວ່າ,ຫ່ານ​ຟ້າ 5 ​ໂຕ​ທີ່​ຕາຍ​ຢູ່​ອີ​ຕາ​ລີ​​ໄດ້​ຕິດ​ເຊື້ອ​​ໄຂ້ຫວັດ​ສັດ​ປີກ​​H5N1.ນີ້​ແມ່ນ​ອີ​ຕາ​ລີເກີດ​ມີ​​ໄຂ້ຫວັດ​ສັດ​ປີກ​ຄັ້ງທຳ​ອິດ.

ມື້​ດຽວ​ກັນ ທ່ານ​ສະ​ໂຕ​ເລ​ສ໌ເວົ້າຕໍ່​ສື່​ມວນ​ຊົນ​ວ່າ,​ເຂດ​ທີ່​ໄດ້​ປະກົດ​ເຫັນ​ຫ່ານ​ຟ້າ​ຕາຍ​ແມ່ນ​ຢູ່​​ເຂດ​ພູ​​ເລຍ ຄາ​ລາ​ເບຼຍ​ແລະ​ຊີ​ຊີ​ລີ ພາກ​ໃຕ້​ຂອງ​ອີ​ຕາ​ລີ.​ໂດຍ​ຜ່ານ​ຈາກ​ການກວດກາ,​ໃນນັ້ນ,ມີ​ຫ່ານ​ຟ້າ 5 ​ໂຕ​ໄດ້​ຕິດ​ເຊື້ອໄຂ້ຫວັດ​ສັດ​ປີກ.ປະຈຸ​ບັນ,ອີ​ຕາ​ລີ​ພວມ​ຈັດຕັ້ງຜູ້​ຊ່ຽວຊານ​ວາງ​ມາດ​ຕະການ​ປ້ອງ​ກັນ​ອັນໃໝ່.

ມື້​ດຽວ​ກັນ,ລັດຖະບານຂອງ​ເກຼັກ​ແລະ​ບຸນ​ກາລີຕ່າງ​ໄດ້​ຢືນຢັນ​ວ່າ,ຫ້ອງ​ທົດ​ລອງ​ສູນ​ກາງ​ໄຂ້ຫວັດ​ສັດ​ປີກ​ທີ່​ສະຫະພາບ​ເອີ​ລົບ​ຕັ້ງຢູ່​ອັງກິດ​ໄດ້​ບົ່ງມະຕິວ່າ,ຫ່ານ​ຟ້າ​ຕາຍທີ່​ປະ​ກົດ​ເຫັນ​ຢູ່​ເກຼັກ​ແລະ​ບຸນ​ກາລີ​ໄດ້​ຕິດ​ເຊື້ອ​​ໄຂ້ຫວັດ​ສັດ​ປີກ​H5N1.

ນອກ​ນີ້ ມື້​ດຽວ​ກັນ ກະຊວງ​ສາທາລະນະ​ສຸກ​ລູມາ​ນີ​ເຜີຍ​ໃຫ້​ຮູ້​ວ່າ,​ເຂດ​ສາມຫຼ່ຽມ​​ແມ່ນ້ຳ​ແດນ​ນຸບ ພາກ​ຕາ​ເວັນ​ອອກລູມາ​ນີ​ໄດ້​ປະ​ກົດ​ເຫັນ​ບ່ອນໃໝ່ ​ທີ່ເກີດມີ​ໄຂ້ຫວັດ​ສັດ​ປີກ​​H5N1​​.