|
|
 |
| (GMT+08:00)
2006-02-14 22:07:13
|
 |
|
ສັນນິບາດປະເທດອາລັບຈະຊັກຊວນອົງການຮາມາສຮັບເອົາຫຼັກການ"ເອົາດິນແດນແລກປ່ຽນສັນຕິພາບ"
cri
Author: da
ຕາມຂ່າວCRI: ວັນທີ 13 ກຸມພາ,ຢູ່ກາບູນ,ທ່ານມຸດຊາ ເລຂາທິການໃຫຍ່ສັນນິບາດປະເທດອາລັບທີ່ໄປຢ້ຽມຢາມຊູດັງເວົ້າວ່າ,ປະເທດອາລັບຈະພະຍາຍາມຊັກຊວນໃຫ້ຂະບວນອິສລາມຕໍ່ຕ້ານຂອງປາເລັສຕີນ(ຄືອົງການຮາມາສ)ຮັບເອົາຫຼັກການ"ເອົາດິນແດນແລກປ່ຽນສັນຕິພາບ".
ທ່ານມຸດຊາເວົ້າວ່າ,ສັນນິບາດປະເທດອາລັບແລະປະເທດອາລັບຈະຫາລືກັບອົງການຮາມາສກ່ຽວກັບສະຖານະການປາເລັສຕີນເປັນຕົ້ນ,ພະຍາຍາມຊັກຊວນໃຫ້ອົງການຮາມາສຮັບເອົາຫຼັກການ"ເອົາດິນແດນແລກປ່ຽນສັນຕິພາບ".ທ່ານມຸດຊາຍັງໄດ້ຕິຕຽນບາງປະເທດຝ່າຍຕາເວັນຕົກທີ່ຂົ່ມຂູ່ອົງການຮາມາສວ່າຈະຢຸດຕິການຊ່ອຍເຫຼືອປາເລັສຕີນ.
ມື້ດຽວກັນ,ຢູ່ວໍຊິງຕັນ,ທ່ານອານນານ ເລຂາທິການໃຫຍ່ສະຫະປະຊາຊາດທີ່ໄປຢາມອາເມລິກາໄດ້ເຈລະຈາກັບທ່ານບຸສ ປະທານາທິບໍດີອາເມລິກາກ່ຽວກັບບັນຫາຕາເວັນອອກກາງ.ຫຼັງການເຈລະຈາ ທ່ານອານນານໄດ້ທວງໃຫ້ອົງການຮາມາສປ່ຽນເປັນພັກການເມືອງຂອງປາເລັສຕີນ,ຮ່ວມມືກັບອິສລະແອນແລະປະຊາຄົມໂລກ,ພ້ອມກັນຊຸກຍູ້ຂະບວນວິວັດສັນຕິພາບຕາເວັນອອກກາງ.
|
|
|
