|
ຕາມຂ່າວcri:ວັນທີ18ກຸມພາ,ເຈົ້າໜ້າທີ່ຝ່າຍທະຫານຟິລິບປິນເວົ້າວ່າ,ຄາດວ່າຜູ້ເສຍຊີວິດໃນໄພດິນພູເຈື່ອນຂະໜາດໃຫຍ່ທີ່ເກີດຂຶ້ນໃນບ້ານໜຶ່ງຂອງແຂວງໄລທີໃຕ້ ພາກກາງຂອງຟິລິບຟິນຈະຫຼາຍເຖິງ1800ຄົນ.
ຕາມແນະນຳວ່າ,ຜູ້ອາໄສຢູ່ບ້ານດັ່ງກ່າວມີປະມານ2000ຄົນ.ຫຼັງຈາກໄພພິບັດໄດ້ເກີດຂຶ້ນ,ບ້ານແຫ່ງນີ້ໄດ້ຖືກດິນພູຝັງໃຫ້ໝົດ.ຈົນຮອດປະຈຸບັນ,ຜູ້ກອບກູ້ໄດ້ຊອກພົບສົບ33ຂອນ,ນອກນີ້,ມີຜູ້ລອດຕາຍ58ຄົນໄດ້ຖືກສົ່ງໄປໂຮງໝໍແລ້ວ.
ທ່ານນາງອາໂລໂຢ ປະທານາທິບໍດີຟິລິບປິນໄດ້ສັ່ງໃຫ້ເຫຼົ່າຮົບຕ່າງໆຂອງກອງທັບຟິລິບປິນອອກແຮງເຂົ້າຮ່ວມວຽກງານກອບກູ້,ແລະຮັບປະກັນຊ່ອຍເຫຼືອ ຜູ້ປະສົບໄພຫຼາຍທີ່ສຸດ.
ຫັຼງຈາກໄພພິບັດໄດ້ເກີດຂຶ້ນ,ທ່ານຫູຈີນທາວ ປະທານປະເທດຈີນໄດ້ສົ່ງໂທລະເລກ,ສະແດງຄວາມຢ້ຽມຢາມຖາມຂ່າວຢ່າງຈິງໃຈຕໍ່ປະທານາທິບໍດີອາໂລໂຢ,ລັດຖະບາບແລະປະຊາຊົນຟິລິບປິນແລະຄອບຄົວຂອງຜູ້ປະສົບໄພ.
1 2
|
