|
|
 |
| (GMT+08:00)
2006-02-21 14:08:23
|
 |
|
ປະເທດອີກຈຳນວນໜຶ່ງປະກົດເຫັນໄຂ້ຫວັດສັດປີກ
cri
Author: min
ຕາມຂ່າວCRI: ວັນທີ 20 ກຸມພາ, ບົສນີແຮກໂຊໂກວິນມາເລເຊຍແລະປະເທດອີກຈຳນວນໜຶ່ງໄດ້ປະກົດເຫັນໄຂ້ຫວັດສັດປີກ.
ວັນທີ 20 ກຸມພາ, ກົມສັດຕະວະແພດແຫ່ງຊາດບົສນີແຮກໂຊໂກວິນປະກາດຖະແຫຼງການຢືນຢັນວ່າ, ຢູ່ຈາເຊ ຕົວເມືອງພາກກາງຂອງບົສນີແຮກໂຊໂກວິນໄດ້ປະກົດເຫັນໄຂ້ຫວັດສັດປີກລາຍທຳອິດ. ປະຈຸບັນ, ລັດຖະບານບົສນີແຮກໂຊໂກວິນໄດ້ໃຊ້ມາດຕະການທີ່ກ່ຽວຂ້ອງ, ເພື່ອສະກັດກັ້ນບໍ່ໃຫ້ເຊື້ອພະຍາດໄຂ້ຫວັດສັດປີກແຜ່ລະບາດ.
ມື້ດຽວກັນ, ທ່ານມູຮິດິນ ໂມດ ຢັດຊິນ ລັດຖະມົນຕີກະຊວງກະສິກຳແລະອຸດສາຫະກຳໃຊ້ທາງກະສິກຳຂອງມາເລເຊຍຢືນຢັນວ່າ, ຢູ່ໝູ່ບ້ານແຫ່ງໜຶ່ງຂອງລັດເຊລານເກີແຫ່ງມາເລເຊຍໄດ້ປະກົດເຫັນພະຍາດໄຂ້ຫວັດສັດປີກ. ທ່ານມູຮິດິນເວົ້າວ່າ, ຫຼັງຈາກໄດ້ພົບເຫັນພະຍາດໄຂ້ຫວັດສັດປີກແລ້ວ, ຝ່າຍທີ່ກ່ຽວຂ້ອງຂອງລັດຖະບານໄດ້ໃຊ້ມາດຕະການສັງລວມຕ່າງໆໃນທັນທີ, ເພື່ອປ້ອງກັນບໍ່ໃຫ້ພະຍາດແຜ່ລະບາດ.
ນອກນີ້, ຂ່າວແຈ້ງອີກວ່າ, ວັນທີ 20 ກຸມພາ, ທ່ານແຟຼງ ເອັນເວກ ລັດຖະມົນຕີກະຊວງຖະແຫຼງຂ່າວນີເຊລີອາຢືນຢັນວ່າ, ພະຍາດໄຂ້ຫວັດສັດປີກຢູ່ພາຍໃນປະເທດນີເຊເລຍໄດ້ແຜ່ລະບາດຮອດລັດບາວຊີ, ຊາມຟາຣາ, ຄາຊີນາແລະເຂດນະຄອນຫຼວງອາບູຈາແລ້ວ. ນັບມາຮອດປະຈຸບັນ, ພາຍໃນປະເທດນີເຊເລຍໄດ້ມີ7 ເຂດໄດ້ປະກົດເຫັນພະຍາດໄຂ້ຫວັດສັດປີກ.
ນອກນີ້, ວັນທີ 20 ກຸມພາ, ຄະນະກຳມະການສະຫະພາບເອີລົບໄດ້ຕົກລົງໃຫ້ລັດຖະບານອີຕາລີສະໜອງການຊ່ອຍເຫຼືອດ່ວນທີ່ມີມູນຄ່າ 100 ລ້ານເອີໂລໃຫ້ຂະແໜງການລ້ຽງສັດປີກຂອງປະເທດດັ່ງກ່າວທີ່ຖືກໄຂ້ຫວັດສັດປີກກະໜໍ່າ.
|
|
|
