|
ອົງການອະນາໄມໂລກກ່າວເນັ້ນວ່າ, ເຊື້ອໄວລັດໄຂ້ຫວັດສັດປີກຕິດແປດໃຫ້ຄົນແມ່ນເຫັນໜ້ອຍທີ່ສຸດ
cri
Author: mo
ຕາມຂ່າວສານຊີນຮວາ: ວັນທີ 21 ກຸມພາ, ຢູ່ທີ່ເຊີແນວ, ອົງການອະນາໄມໂລກຊີ້ອອກວ່າ, ເຖິງວ່າໃນຫວ່າງມໍ່ໆນີ້, ເຊື້ອໄລລັດໄຂ້ຫວັດສັດປີກH5N1 ໄດ້ລະບາດຢູ່ຫຼາຍປະເທດກໍ່ຕາມ, ແຕ່ເຊື້ອໄວລັດຈາກສັດປີກຕິດແປດໃຫ້ຄົນນັ້ນແມ່ນເຫັນໜ້ອຍທີ່ສຸດ.
ໃນປະກາດແຈ້ງການສະບັບໜຶ່ງທີ່ອົງການອະນາໄມໂລກປະກາດຢູ່ເວບໄຊຂອງຕົນໄດ້ຊີ້ອອກວ່າ, ປັດຈຸບັນ, ຍັງບໍ່ມີຫຼັກຖານໃດໆຢືນຢັນໄດ້ວ່າ, ເຊື້ອໄຂ້ຫວັດສັດປີກມີຄວາມສາມາດລະບາດຄົນຕໍ່ຄົນ. ນັບມາຮອດປັດຈຸບັນ, ຜູ້ຕິດເຊື້ອໄຂ້ຫວັດສັດປີກທັງໝົດລ້ວນແຕ່ແມ່ນຍ້ອນພວກເຂົາເຈົ້າສຳຜັດກັບປະເພດສັດປີກທີ່ມີເຊື້ອພະຍາດຢ່າງໃກ້ຊິດຈຶ່ງຖືກຕິດແປດ.
ອົງການອະນາໄມໂລກກໍໄດ້ສະແດງຄວາມວິຕົກກັງວົນນຳປະເທດນັບມື້ນັບຫຼາຍປະກົດເຫັນນົກຍ້າຍແກ່ວຕິດເຊື້ອໄຂ້ຫວັດສັດປີກໃນມໍ່ໆມານີ້, ເຫັນວ່າ, ນີ້ໄດ້ເພີ່ມຄວາມອາດເປັນໄປໄດ້ທີ່ເຮັດໃຫ້ຄົນຕິດເຊື້ອໄວລັດ.
|
|
