|
|
 |
| (GMT+08:00)
2006-02-24 14:42:20
|
 |
|
ສະມັດຊາໃຫຍ່ສະຫະປະຊາຊາດສະເໜີຮ່າງມະຕິໃໝ່ສຸດກ່ຽວກັບການສ້າງຄະນະມົນຕີສິດທິມະນຸດ
cri
Author: MO
ຕາມຂ່າວCRI: ເມື່ອໄດ້ປຶກສາຫາລືແລະເຈລະຈາເປັນເວລາຫຼາຍເດືອນແລ້ວ, ສະມັດຊາໃຫຍ່ສະຫະປະຊາຊາດສະໄໝທີ 60 ໄດ້ໄຂກອງປະຊຸມຄົບຄະນະແບບປິດປະຕູ, ໃນກອງປະຊຸມໄດ້ແຈກຢາຍຮ່າງມະຕິຫຼ້າສຸດຂອງທ່ານເອລຽດເຊິນ ປະທານສະມັດຊາໃຫຍ່ສະຫະປະຊາຊາດສະໄໝນີ້ກ່ຽວກັບການສ້າງຄະນະມົນຕີສິດທິມະນຸດ.
ຕາມໄດ້ຊາບ, ຮ່າງມະຕິໄດ້ໃປະນີປະນອມໃນລະດັບໃດໜຶ່ງຕໍ່ບັນຫາທີ່ບັນດາປະເທດໂຕ້ຖຽງກັນຂ້ອນຂ້າງແຮງເຊັ່ນຂະໜາດ ມາດຖານເຂົ້າຮ່ວມ ຂະບວນການກຳເນີດສະມາຊິກ ແລະຮູບການໝູນເດີນຂອງຄະນະມົນຕີສິດທິມະນຸດທີ່ກຽມສ້າງ. ນອກນັ້ນ, ຮ່າງມະຕິຍັງໄດ້ເພີ່ມເນື້ອໃນກ່ຽວກັບການເພີ່ມທະວີການສົນທະນາລະຫວ່າງການເຊື່ອຖືແລະອະລະຍະທຳທີ່ຕ່າງກັນເພື່ອຊຸກຍູ້ຄວາມອະໂຫສີແລະຕ່າງເຄົາລົບກັນ.
ຫຼັງຈາກນັ້ນ, ທ່ານອານນານ ເລຂາທິການໃຫຍ່ສະຫະປະຊາຊາດໄດ້ອອກຖະແຫຼງການ, ເຕືອນຢ່າງຮຸນແຮງໃຫ້ບັນດາປະເທດສະມາຊິກສະຫະປະຊາຊາດຜ່ານຮັບຮອງຮ່າງມະຕິດັ່ງກ່າວພາຍໃນບໍ່ທໍ່ໃດມື້ຂ້າງໜ້າ.
|
|
|
