|
ຕາມຂ່າວສານຊິນຮວາ: ຕອນຄ່ຳວັນທີ 26 ກຸມພາ, ນັກຣົບຈຳນວນໜຶ່ງຂອງກອງທະຫານເຮືອສູ້ລົບເທີງບົກຂອງຟິລິປິນໄດ້ສິ້ນສຸດການເຄື່ອນໄຫວປະທ້ວງທີ່ຍາວເຖິງ 5 ຊົ່ວໂມງແລ້ວກັບຄືນຄ້າຍທະຫານ, ນີ້ໝາຍຄວາມວ່າຄວາມວຸ່ນວາຍທີ່ເກີດຂຶ້ນຍ້ອນຜູ້ບັນຊາການກອງທະຫານເຮືອສູ້ລົບເທີງບົກຂອງຟິລິປິນຖືກປົດຕຳແໜ່ງຢ່າງກະທັນຫັນນັ້ນໄດ້ສະຫງົບລົງຊົ່ວຄາວ.
ເຖິງວ່າການເຄື່ອນໄຫວປະທ້ວງຂອງນັກຣົບໄດ້ສະຫງົບລົງຊົ່ວຄາວກໍຕາມ, ແຕ່ເຈົ້າໜ້າທີ່ຊັ້ນສູງຝ່າຍທະຫານຟິລິປິນຜູ້ໜຶ່ງທີ່ບໍ່ຢາກເຜີຍຊື່ເວົ້າວ່າ, ການສຳຫຼວດກົນອຸບາຍທະຫານກໍ່ການຈະລາຈົນຂອງຝ່າຍທະຫານຍັງສືບຕໍ່ດຳເນີນຢູ່.
ຕອນເຊົ້າວັນທີ 24, ກຸມພາ, ຝ່າຍທະຫານຟິລິປິນປະກາດວ່າໄດ້ປາບກົນອຸບາຍນາຍທະຫານກໍ່ການຈະລາຈົນເທື່ອໜຶ່ງ, ແລະປະກາດໃນວັນທີ 26 ວ່າປົດຕຳແໜ່ງທ່ານນາຍພົນຕີເຣນາໂດ ມີຣັນດາ ຜູ້ບັນຊາການກອງທະຫານເຮືອສູ້ລົບເທີງບົກ. ຫຼັງຈາກຂ່າວເປີດເຜີຍອອກມາແລ້ວ, ນັກຣົບຂອງກອງທະຫານເຮືອສູ້ລົບເທີງບົກປະມານ 100 ຄົນເຕົ້າໂຮມຢູ່ສຳນັກງານໃຫຍ່ຂອງກອງທະຫານເຮືອສູ້ລົບເທີງບົກທີ່ຕັ້ງຢູ່ເຂດຊານເມືອງມານີລາ, ຈັດການເຄື່ອນໄຫວປະທ້ວງ.
1 2 3 4
|
