|
ຖະແຫຼງການຂອງໂຄສົກກະຊວງການຕ່າງປະເທດລາວກ່ຽວກັບການປະກາດຢຸດຕິການປະຕິບັດງານຂອງ"ຄະນະກຳມະການເຕົ້າໂຮມປະເທດເປັນເອກະພາບ"ແລະການນຳໃຊ້"ທິດທາງເພື່ອເຕົ້າໂຮມປະເທດເປັນເອກະພາບ"ຂອງເສີນຊຸຍປຽນ ຜູ້ນຳໄຕ້ຫວັນ
cri
Author: MO
ໃນວັນທີ 27 ກຸມພາທີ່ຜ່ານມານີ້, ເສີນຊຸຍປຽນ ຜູ້ນຳໄຕ້ຫວັນໄດ້ປະກາດຢຸດຕິການປະຕິບັດງານຂອງ"ຄະນະກຳມະການເຕົ້າໂຮມປະເທດເປັນເອກະພາບ" ແລະການນຳໃຊ້"ທິດທາງເພື່ອເຕົ້າໂຮມປະເທດເປັນເອກະພາບ". ຕໍ່ບັນຫານີ້, ໂຄສົກຂອງກະຊວງການຕ່າງປະເທດລາວໄດ້ເຫັນວ່າ, ການປະກາດດັ່ງກ່າວຂອງຜູ້ນຳໄຕ້ຫວັນເປັນການຝືນຕໍ່ສິດຜົນປະໂຫຍດພື້ນຖານຂອງປະຊາຊົນຈີນ, ເປັນການເຄື່ອນໄຫວທີ່ເຮັດໃຫ້ສະພານະພາບຄວາມສຳພັນຂອງສອງຝັ່ງຮ່ອມທະວີໄຕ້ຫວັນເພີ່ມທະວີຄວາມເຄັ່ງຕຶງຂຶ້ນ, ຊື່ງກະທົບຕໍ່ສັນຕິພາບ ແລະຄວາມໝັ້ນຄົງຂອງພາກພື້ນ.
ລັດຖະບານແຫ່ງສາທາລະນະລັດປະຊາທິປະໄຕປະຊາຊົນລາວສືບຕໍ່ຍຶດໝັ້ນນະໂຍບາຍປະເທດຈີນດຽວ, ໂດຍຖືວ່າ ໄຕ້ຫວັນແມ່ນພາກສ່ວນໜຶ່ງທີ່ບໍ່ສາມາດຕັດແຍກອອກຈາກກັນໄດ້ຂອງສາທາລະນະລັດປະຊາຊົນຈີນ, ຍຶດໝັ້ນສະໜັບສະໜູນທຸກຄວາມພະຍາຍາມຂອງລັດຖະບານ ແລະປະຊາຊົນຈີນອ້າຍນ້ອງ ແລະເພື່ອປະກອບສ່ວນເຂົ້າໃນການປົກປັກຮັກສາສັນຕິພາບ ແລະສະຖຽນລະພາບຂອງພາກພື້ນ ແລະການທ້ອນໂຮມປະເທດຊາດໂດຍສັນຕິວິທີຕາມນະໂຍບາຍປະເທດດຽວສອງລະບອບ.
|
|
