ຕາມ​ຂ່າວcri:ວັນ​ທີ2​ມີນາ,ຢູ່ມໍ່​​ສະຖານ​ກົງສູນ​ອາ​​ເມ​ລິ​ກາ​​ປະຈຳ​ກາຣາຊີ​ ​ເມືອງ​ພາກ​​ໃຕ້​ຂອງ​ປາ​ກິ​ສະຖານ​ໄດ້​ເກີດ​​ເຫດກາ​ນລະ​ເບີດສອງ​ລາຍ,ປະຈຸ​ບັນ,ຢ່າງ​ໜ້ອຍ​​ໄດ້​ເຮັດ​ໃຫ້3​ຄົນ​ເສຍ​ຊີວິດ,37ຄົນ​ບາດ​ເຈັບ.

ເຫດການ​​ລະ​ເບີດ​ເກີດ​ຢູ່​ເດີ່ນ​ຈອດ​ລົດ ​ຂອງ​ໂຮງ​ແຮມ​ມາ​ຣິອອດ​ມໍ່ສະ​ຖານ​ກົງສູນ​ອາ​ເມ​ລິ​ກາ,​ໂຮງ​ແຮມມາ​ຣິອອດ​ຫ່າງ​ຈາກ​ປະຕູ​ໃຫຍ່​ຂອງ​ສະຖານ​ກົງສູນ​ອາ​ເມ​ລິ​ກາ​ພຽງ20​ແມັດ​ເທົ່າ​ນັ້ນ.ຝ່າຍ​ຕຳຫຼວດ​ກ່າວ​ວ່າ,​ການ​ລະ​ເບີດສອງ​ເທື່ອ​ນີ້ລ້ວນ​ແຕ່​ແມ່ນເຫດ​ການ​ລະ​ເບີດ​ລົດຍົນ​ແຕກ,ການລະ​ເບີດ​ໄດ້​ພາ​ໃຫ້​ລົດ10​ຄັນ​ໄຟ​​ໄໝ້​ຂຶ້ນ,​ແກ້ວຂອງ​ສິ່ງ​ກໍ່ສ້າ​ງທີ່​​ຢູ່​ມໍ່​ຫັ້ນ​ກໍ່​​ໄດ້ຖືກ​​ສະ​ເທືອນ​ແຕກ.

ຕາມ​ສື່​ມວນ​ຊົນ​ກາຣາຊີ​ລາຍ​ງານ​ວ່າ,ຜູ້​ຕາຍ​ລວມທັງ​ຕຳຫຼວດ​ຜູ້​ໜຶ່ງ​ແລະສາມັນ​ຊົນ​ຜູ້​ໜຶ່ງ.ປະຈຸ​ບັນ,ຍັງ​ບໍ່ມີ​ອົງການ​ຈັດ​ຕັ້ງຫຼື​ບຸກຄົນ​ກ່າວ​ວ່າ​ຮັບຜິດຊອບ​ຕໍ່​ເຫດການ​ດັ່ງກ່າວນີ້.