|
ອິສຣາແອນກ່າວວ່າ, ກຳແພງຂັ້ນບໍ່ແມ່ນຊາຍແດນຖາວອນລະຫວ່າງອິສຣາແອນປາເລັສຕີນ
cri
Author: mo
ຕາມຂ່າວCRI：ຕອນຄ່ຳວັນທີ 5 ມີນາ, ທ່ານໂອນເມີດ ຜູ້ວ່າການແທນນາຍົກລັດຖະມົນຕີອິສຣາແອນອອກຖະແຫຼງການວ່າ, ກຳແພງຂັ້ນທີ່ພວມສ້າງນັ້ນບໍ່ແມ່ນຊາຍແດນຖາວອນຂອງອິສຣາແອນ. ມື້ດຽວກັນ, ພັກກ້າວໜ້າ(ຄືພັກຄາດີມາ) ເຊິ່ງນຳໂດຍທ່ານໂອນເມີດຍັງໄດ້ເປີດເຜີຍແຜນການຖອນອອກແຕ່ຝ່າຍດຽວທີ່ລະອຽດເປັນຄັ້ງທຳອິດ.
ໃນຖະແຫຼງການ, ທ່ານໂອນເມີດກ່າວວ່າ, ຊາຍແດນສຸດທ້າຍຂອງອິດສຣາແອນຈະຕັດສິນຢູ່ນຳຜົນປະໂຫຍດແຫ່ງຊາດ. ບໍ່ວ່າຂະບວນວິວັດສັນຕິພາບຈະຂະຫຍາຍຕົວແນວໃດໃນອະນາຄົດ, ອິສຣາແອນຈະສືບຕໍ່ຄວບຄຸມຈຸດຕັ້ງຖີ່ນຖານຊາວຢິວຂະໜາດໃຫຍ່, ເຂດອ້ອມແອ້ມເຢລູຊາເລັມແລະເຂດອື່ນໆທີ່ມີຄວາມສຳຄັນທີ່ສຸດຕໍ່ຄວາມປອດໄພຂອງອິສຣາແອນ.
ນອກນີ້, ຕອນເຊົ້າມື້ດຽວກັນ, ເຈົ້າໜ້າທີ່ຊັ້ນສູງຂອງພັກຄາດີມາເຜີຍໃຫ້ຮູ້ວ່າ, ຖ້າພັກຄາດີມາໄດ້ຮັບໄຊຊະນະໃນການເລືອກຕັ້ງທົ່ວໄປຂອງອິສຣາແອນທີ່ຈະຈັດຂຶ້ນໃນໄວໆນີ້, ພັກດັ່ງກ່າວຈະປະຕິບັດແຜນການຖອນອອກແຕ່ຝ່າຍດຽວຈາກຈຸດຕັ້ງຖິ່ນຖານຊາວຢິວຢູ່ເຂດຝັ່ງຕາເວັນຕົກແມ່ນ້ຳຈໍແດນສ່ວນໜຶ່ງ, ແຕ່ທະຫານອິສຣາແອນຈະສືບຕໍ່ປະຈຳຢູ່ເຂດເຫຼົ່ານີ້.
|
|
