|
|
 |
| (GMT+08:00)
2006-03-06 12:17:23
|
 |
|
ໄຂ້ຫວັດສັດປີກສືບຕໍ່ລະບາດຢູ່ເອີລົບ
cri
Author: ling
ຕາມຂ່າວCRI：ວັນທີ 5 ມີນາ, ກົມສັດຕະວະແພດສະຫະພັນສະວິສໄດ້ອອກປະກາດແຈ້ງການວ່າ, ຢູ່ສະວິສໄດ້ປະກົດເຫັນພະຍາດໄຂ້ຫວັດສັດປີກອີກ 4 ລາຍ. ວັນທີ 5 ມີນາ, ສື່ມວນຊົນໂປໂລຍກໍລາຍງານວ່າ, ຢູ່ໃນແດນປະເທດດັ່ງກ່າວໄດ້ປະກົດເຫັນໄຂ້ຫວັດສັດປີກລາຍທຳອິດ.
ຫ້ອງທົດລອງທີ່ກ່ຽວຂ້ອງຂອງສະວິສໄດ້ກວດກາຕົວຢ່າງເຊື້ອໂຣກຂອງນົກປ່າຕາຍ 4 ໂຕ, ຜົນການກວດກາສະແດງໃຫ້ເຫັນວ່າ, ນົກປ່າເຫຼົ່ານີ້ລ້ວນແຕ່ໄດ້ຕິດເຊື້ອໂຣກໄຂ້ຫວັດສັດປີກແບບ H5. ຕົວຢ່າງເຊື້ອໂຣກເຫຼົ່ານີ້ໄດ້ຖືກສົ່ງໄປກວດກາຕື່ມອີກຢູ່ຫ້ອງທົດລອງຂອງອົງການອະນາໄມໂລກທີ່ຕັ້ງຢູ່ອັງກິດ, ເພື່ອກຳນົດຢ່າງຄັກແນ່ວ່າ, ເຊື້ອໂຣກທີ່ນົກຕິດນັ້ນແມ່ນເຊື້ອໂຣກໄຂ້ຫວັດສັດປີກປະເພດຮ້າຍແຮງແບບ H5N1 ຫຼືບໍ່?
ນອກນີ້, ວັນທີ 5 ມີນາ, ສື່ມວນຊົນໂປໂລຍລາຍງານວ່າ, ພະແນກສັດຕະວະແພດໂປໂລຍໄດ້ກວດກາແລ້ວຢືນຢັນວ່າ, ຫ່ານຟ້າທີ່ຕາຍໂຕໜຶ່ງທີ່ປະກົດເຫັນຢູ່ໂທລູນ ເມື່ອງພາກເໜືອໂປໂລຍໃນສອງມື້ກ່ອນໄດ້ຕິດເຊື້ອໂຣກໄຂ້ຫວັດສັດປີກແບບH5N1, ໂປໂລຍແມ່ນປະກົດເຫັນໄຂ້ຫວັດສັດປີກເປັນຄັ້ງທຳອິດ.
ໃນຫຼາຍມື້ມໍ່ໆນີ້, ຢູ່ໃນແດນເຢຍລະມັນແລະສະໂລວັກກີ ທີ່ແປະກັນໂປໂລຍກໍໄດ້ປະກົດເຫັນພະຍາດໄຂ້ຫວັດສັດປີກຫຼາຍລາຍ.
|
|
|
