ຕາມ​ຂ່າວcri:ວັນ​ທີ6 ມີນາ,ກອງ​ປະຊຸມ​ຜູ້​ຊ່ຽວຊານ​ປ້ອງ​ກັນ​ແລະ​ປິ່ນປົວ​ໄຂ້ຫວັດ​ສັດ​ປີກ​ທີ່​ຈະ​ດຳ​ເນີນ3ມື້​ໄດ້​ໄຂ​ຂຶ້ນ​ຢູ່​ເຊີ​ແນວ.ຜູ້​ຊ່ຽວຊານ30ກວ່າ​ທ່ານ​ທີ່ມາ​ຈາກ​ປະ​ເທດ​ຕ່າງໆ​ໃນ​ໂລກ​ເຂົ້າ​ຮ່ວມ​ກອງ​ປະຊຸມ.

ໃນ​ພິທີ​ໄຂ​ທີ່​ຈັດ​ຂຶ້ນ​ໃນ​ມື້​ດຽວ​ກັນ,ທ່ານ​ນາງ​ມັກ​ລີດ ​ເຊິ​ງ ຜູ້​ປະສານ​ງານ​ບັນຫາ​ໄຂ້ຫວັດ​ໃຫຍ່​ຂອງ​ອົງການ​ອະນາ​ໄມ​ໂລ​ກກ່າວ​ວ່າ,​ເຖິງ​ວ່າ​ນັບ​ຮອດ​ປະຈຸ​ບັນ,​ໄຂ້ຫວັດ​ສັດ​ປີກ​ຍັງ​ແມ່ນ​ພະຍາດ​ສັດ​ໂດຍ​ຕົ້ນຕໍ,​ແຕ່​ຫວ່າງໆ​ນີ້,ການ​ພັດທະນາ​ຂອງ​ພະຍາດຢູ່​​ແຫ່ງ​ຕ່າງໆ​ຍັງ​ເຮັດ​ໃຫ້​ອົງການ​ອະນາ​ໄມ​ໂລກວິຕົກ​ກັງ​ວົງ​ທີ່​ສຸດ.ປະຊາ​ຄົມ​ໂລກ​ຕ້ອງ​ເຄື່ອນ​ໄຫວ​ຂຶ້ນ​​​ໃນ​ທັນທີ,ກະກຽມ​ຢ່າງ​ເຕັມທີ່,ຮ່ວມ​ກັນ​ຮັບ​ມືກັບໄຂ້​ຫວັດ​ສັດ​ປີກທີ່​ອາດຈະ​ເກີດ​ຂຶ້ນ​ກະທັນຫັນ.

ກອງ​ປະຊຸມ​ຜູ້​ຊ່ຽວຊານ​ຈະ​ສ້າງ​​ແຜນການ​ວາງ​ໄວ້​ທີ່​ແກ້​ໄຂໄຂ້ຫວັດ​ສັດ​ປີກ​ທົ່ວ​ໂລກ​.ຈະກຳນົດ​ບົດບາດ​ທີ່​ອົງການ​ອະນາ​ໄມ​ໂລກ,ປະ​ເທດພາຄີ​ຕ່າງໆ​ແລະ​ຄູ່​ຂາ​ຮ່ວມ​ມື​ອື່ນໆ​ຄວນ​​ເສີມ​ຂະ​ຫຍາ​ຍ​ໃນ​ເວລາ​ໄຂ້ຫວັດ​ສັດ​ປີກທີ່​ເກີດ​ຂຶ້ນ​ກະທັນຫັນ,​ແລະ​ວິທີ​ລະອຽດທີ່​ຄວບ​ຄຸມ​ພະຍາດໃນ​​ໄລ​ຍະ​ຕົ້ນ.