|
|
 |
| (GMT+08:00)
2006-03-07 20:48:41
|
 |
|
ອາເມລິກາກ່າວລື້ມວ່າ ຄັດຄ້ານການກະທຳໃດໆທີ່ປ່ຽນແປງສະພາບປະຈຸບັນຂອງຊ່ອງແຄບໄຕ້ຫວັນແຕ່ຝ່າຍດຽວ
cri
Author: da
ຕາມຂ່າວCRI:ວັນທີ 6 ມີນາ ທ່ານທອມ ເຄຊີ ຜູ້ວ່າການແທນໂຄສົກກະຊວງການຕ່າງປະເທດອາເມລິກາເວົ້າວ່າ,ອາເມລິກາຄັດຄ້ານການກະທຳໃດໆທີ່ປ່ຽນແປງສະພາບປະຈຸບັນຂອງຊ່ອງແຄບໄຕ້ຫວັນແຕ່ຝ່າຍດຽວ.
ໃນງານຊຸມນຸມນັກຂ່າວປະຈຳຂອງກະຊວງການຕ່າງປະເທດອາເມລິກາ,ມີຄົນຖາມເຖິງຄວາມເຫັນຂອງອາເມລິກາທີ່ມີຕໍ່ທ່ານເສີນສຸຍປຽນກ່າວເຖິງ"ລັດຖະທຳມະນູນໃໝ່"ໃນເວລາໃຫ້ສຳພາດຕໍ່ໜັງສືພິມໂຢມີອູຣີ ຊີມູບູນ ຂອງຍີ່ປຸ່ນໃນວັນທີ 3 ມີນາ,ທ່ານເຄຊີຕອບວ່າ,ອາເມລິກາເຫັນວ່າ,"ໄຕ້ຫວັນເຄົາລົບຄຳໝັ້ນສັນຍາແມ່ນຂໍກະແຈຂອງການຮັກສາສະພາບໃນປະຈຸບັນ.ຫຼັກໝັ້ນອັນເດັດດ່ຽວຂອງພວກຂ້າພະເຈົ້າແມ່ນ,ບໍ່ຄວນປ່ຽນແປງສະພາບໃນປະຈຸບັນແຕ່ຝ່າຍດຽວ."
ນອກນີ້ ຂ່າວແຈ້ງວ່າ,ວັນທີ 5 ມີນາ ລັດຖະບານກູບາແລະລັດຖະບານມຽນມາຕ່າງໄດ້ອອກຖະແຫຼງການແລະປະກາດແຈ້ງຂ່າວ,ກ່າວລື້ມວ່າຍຶດໝັ້ນຫຼັກໝັ້ນຈີນດຽວ,ທັງກ່າວປະນາມກົນອຸບາຍຂອງທ່ານເສີນສຸຍປຽນທີ່ກີດຂວາງການໂຮມປະເທດຊາດເປັນເອກະພາບ,ທຳລາຍສິດປະໂຫຍດທີ່ຊອບກົດໝາຍຂອງປະຊາຊົນຈີນແລະທຳລາຍສະຖຽນລະພາບຂອງພາກພື້ນ.
ວັນທີ 5 ມີນາ ໃນເວລາພົບປະຄະນະຜູ້ແທນສະມາຄົມແລກປ່ຽນສາກົນຈີນທີ່ໄປຢ້ຽມຢາມ ທ່ານເຟຊານ ອານ ຟາເຢັສ ຮອງປະທານສະພາສູງຊອກດານີໄດ້ເວົ້າວ່າ,ລັດຖະບານຊອກດານີຈະສືບຕໍ່ປະຕິບັດຫຼັກໝັ້ນຫຼັກການຈີນດຽວຢ່າງເດັດດ່ຽວ,ສະໜັບສະໜູນພາລະກິດໂຮມຈີນເຂົ້າເປັນເອກະພາບກັນໂດຍສັນຕິ.
ນອກນີ້,ວັນທີ 6 ມີນາ ຫຼາຍສະມາຄົມຊາວຈີນຕ່າງດ້າວຂອງແມັກຊິກໄດ້ຮ່ວມກັນຮຽກໄຂງານສົນທະນາຊາວຈີນຕ່າງດ້າວຢູ່ແມັກຊິກຄັດຄ້ານ"ທ່ານເສີນສຸຍປຽນຍົກເລີກຄະນະກຳມະການແລະໂຄງການໂຮມຊາດເປັນເອກະພາບ",ກ່າວປະນາມຢ່າງຮຸນແຮງຕໍ່ການກະທຳຕັດແຍກໄຕ້ຫວັນໃຫ້ເປັນເອກະລາດຂອງທ່ານເສີນສຸຍປຽນທີ່ຢຸດຕິ"ຄະນະກຳມະການໂຮມຈີນເປັນເອກະພາບ"ແລະ"ໂຄງການໂຮມຈີນເປັນເອກະພາບ".
|
|
|
