ຕາມ​ຂ່າວສານ​ຊິນ​ຮວາ:ວັນ​ທີ8​ມີນາ,ສິ​ງກະ​ໂປ​ໄດ້​ຈັດ​ເວທີ​ປາ​ໄສ​ພັດທະນາ​ແມ່​ນ້ຳຂອງ,ຜູ້​​ແທນ​ຂອງ6ປະ​ເທດ​ອະນຸ​ພາກ​ພື້ນ​ແມ່​ນ້ຳຂອງ,ບຸກຄົນ​ຂອງ​ທະ​ນາຄາ​ນພັດທະນາ​ອາຊີ​ ​ແລະ ​ວົງ​ການ​ການ​ຄ້າ​​ສິງກະ​ໂປ ປະມານ250ຄົນ​​ໄດ້​ເຂົ້າຮ່ວມ​ເວທີ​ປາ​ໄສ​ດັ່ງກ່າວ.

ເວທີ​ປາ​ໄສ​ພັດທະນາ​ແມ່​ນ້ຳຂອງ​ຄັ້ງ​ນີ້​ ຕົ້ນຕໍ​ໄດ້​ເຊື້ອ​ເຊີນ​ຜູ້​ແທນ​ຂອງ​ທະນາ​ຄານ​ພັດ​ທະນາ​ອາຊີ​ພ້ອມ​ດ້ວຍ​ຜູ້​ແທນ​ຂອງ​ປະ​ເທດ​ອະນຸ​ພາກ​ພື້ນ​ແມ່​ນ້ຳຂອງ ​ເຊັ່ນ,ລາວ,ມຽນ​ມາ,ກຳປູ​ເຈຍ,​ໄທ,ຫວຽດ​ນາມ​ແລະ​ຈີນ​ເປັນ​ຕົ້ນ,​ເພື່ອ​ຫາລື​ການ​ພັດvທະນາ​ຂອງ​ເຂດ​ລ້ອງ​ແມ່​ນ້ຳຂອງ​ໃນ​ອະນາ​ຄົດ,ພ້ອມ​ດ້ວຍ​ໂອ​ກາດ ​ພັດ​ທະນາ​ການ​ຄ້າ​ອັນ​ມະຫາ​ສານທີ່​ອາດ​ຈະນຳໃຫ້​ປະ​ເທດ​ແຄບ​ຝັ່ງ​ແມ່ນ້ຳຂ​ອງ​ ​ແລະ ປະ​ເທດ​ແລະ​ເຂດ​ແຄວ້ນອື່ນໆ​​ເຊິ່ງ​ລວມ​ທັງ​ສິງກະ​ໂປ.

ແຕ່​ປີ1992​​ເປັນ​ຕົ້ນມາ,ລັດຖະບານ​ຈີນ​ໄດ້​ເຂົ້າ​ຮ່ວມກົນ​ໄກ​ຮ່ວມ​ມືອະນຸ​ພາກ​ພື້ນ​ແມ່​ນ້ຳຂອງ ,ການ​ຮ່ວມ​ມື​ພັດທະນາ​​ອາຊຽນ-​ເຂດ​ລ້ອງ​ແມ່​ນ້ຳຂອງທີ່ລິ​ເລີມ​ໂດຍ​ທະນາ​ຄານ​ພັດ​ທະນາ​ອາຊີ,ຍັງ​ໄດ້​ສ້າງ​ການ​ພົວພັນ​ສົນທະ​ນາຢ່າງ​ເປັນ​ທາງ​ການ​ກັບ​ຄະນະ​ກຳມະການ​ແມ່​ນ້ຳຂອງ.