|
|
 |
| (GMT+08:00)
2006-03-09 18:24:15
|
|
ຖານະຂອງໝາກາໂລນໂຕທຳອິດໃນໂລກໄດ້ຮັບການຢັ້ງຢືນ
cri
Author: da
ຕາມຂ່າວສານຊິນຮວາ:ວາລະສານ"ທຳມະຊາດ" ວາລະສານວິທະຍາສາດຂອງອັງກິດສະບັບຫຼ້າສຸດທີ່ພິມຈຳໜ່າຍໃນວັນທີ 9 ມີນາໄດ້ພິມບົດຄວາມຢືນຢັນວ່າ,ຖານະຂອງ"ສນູປີ"ໝາກາໂລນໂຕທຳອິດໃນໂລກທີ່ທ່ານຮວງອູຊຸກ ນັກວິທະຍາສາດຂອງສ.ເກົາຫຼີເປັນຜູ້ບົ່ມເພາະນັ້ນແມ່ນບໍ່ຕ້ອງສົງໄສ.
ພະນັກງານຄົ້ນຄວ້າວິທະຍາສາດຂອງມະຫາວິທະຍາໄລເຊອຸ່ນສ.ເກົາຫຼີແລະອາເມລິກາໄດ້ພິມບົດວິພົນໃນວາລະສານ"ທຳມະຊາດ"ວ່າ,ໃນການທົດລອງວັດແທກ DNA ທີ່ພວກເຂົາເຈົ້າຕ່າງເຮັດນັ້ນ,ໄດ້ຢືນຢັນວ່າ "ສນູປີ"ແມ່ນສັດກາໂລນແທ້.
ວັນທີ 3 ສິງຫາປີກາຍນີ້,ຢູ່ເຊອຸ່ນ,ໜ່ວຍຄົ້ນຄວ່າທີ່ນຳໂດຍທ່ານຮວງອູຊຸກໄດ້ແນະນຳ"ສນູປີ"ໝາພານອັຟການີສະຖານທີ່ອາຍຸ 9 ອາທິດໃຫ້ສາທາລະນະຊົນຮູ້,ແລະກ່າວວ່າ ມັນແມ່ນໝາກາໂລນໂຕທຳອິດໃນໂລກ.ແຕ່ຄຽງຄູ່ກັບເລື່ອງຈິງກ່ຽວກັບທ່ານຮວງອູຊຸກປອມແປງໝາກຜົນການຄົ້ນຄວ້າວິທະຍາສາດອື່ນໆຖືກເຜີຍແບເທື່ອລະກ້າວ,ຄວາມເທັດຈິງຂອງ"ສນູປີ"ກໍຖືກສົງໄສ.
|
|
|
