ຕາມ​ຂ່າວCRI: ຫວ່າງ​ມໍ່ໆ​ນີ້, ​ພະຍາດ​ໄຂ້​ຫວັດ​ສັດ​ປີກ​ໄດ້​ສືບ​ຕໍ່​ແຜ່​ລະບາດຢູ່​ບາງ​ພາກ​ພື້ນ​ຂອງ​ໂລກ, ​ແຕ່​ຢູ່​ນີ​ເຊ​ລີ​ອາປະ​ເທດ​ອາ​ຟຼິກາທີ່​ມີ​ພະຍາດ​ໄຂ້​ຫວັດ​ສັດ​ປີກ​​ແຜ່​ລະບາດ​ຢ່າງ​ໜັກໜ່ວ​ງ​ນັ້ນ​ຍັງ​ບໍ່​ມີ​ຄົນ​ຕິດ​ແປດ​​ເທື່ອ.

ວັນ​ທີ 9 ມີນາ, ສາທາລະນະ​ລັດ​ແຊກ​ບີ​ຂອງ​ແຊກ​ບີ-ມົງເຕ​ເນ​ໂກຼ​ໄດ້ອອກ​ຖະ​ແຫຼ​ງການ​ຢືນຢັນ​ວ່າ, ຫວ່າງ​ມໍ່ໆ​ນີ້​ຢູ່​ພາກ​ເໜືອແຊກ​ບີ-ມົງເຕ​ເນ​ໂກຼ​ໄດ້​ປະກົດ​ເຫັນ​ຫ່ານ​ຟ້າ​ໂຕ​ໜຶ່ງຕາຍ​ຍ້ອນ​ຕິດ​ເຊື້ອ​ໂຣກ​ໄຂ້ຫວັດ​ສັດ​ປີກ​ແບບH5N1. ນີ້​ແມ່ນ ​ພະຍາດ​ໄຂ້ຫວັດ​ສັດ​ປີກ​ແບບH5N1ລາຍ​ທຳ​ອິດ​ໃນ​ແດນ​ແຊກ​ບີ-ມົງ​ເຕ​ເນ​ໂກຼ.

ວັນ​ທີ 9 ມີນາ​ຢູ່​ທີ່​ເຊີ​ແນວ, ​ໂຄສົກ​ເພດ​ຍິງ​ຜູ່​ໜຶ່ງ​ຂອງ​ອົງການ​ອະນາ​ໄມ​ໂລກ​ປະກາດ​ວ່າ, ຢູ່ອາ​ແຊັກ​ບາ​ຢຽນມີ​11ຄົນ​ຖືກ​ສົງ​ໄສ​ຕິດ​​​ພະຍາດ​ໄຂ້ຫວັດ​ສັດ​ປີກ, ​ໃນ​ນັ້ນ​ມີ 3 ຄົນ​ໄດ້​ເສຍ​ຊີວິດ​ແລ້ວ.

ຢູ່​ພາກ​ເໜືອ​ເຢຍລະ​ມັນ, ມີສັດ​ຈຳພວກ​ລ້ຽງລູກ​ດ້ວຍ​ນົມ​ໂຕ​ໜຶ່ງ​ຖືກມົ່ງມະຕິ​ວ່າຕິດ​ເຊື້ອ​ໂຣກໄຂ້ຫວັດ​ສັດ​ປີກ​ແບບ​H5N1. ກ່ຽວ​ກັບ​ເລື່ອງ​ນີ້ອົງການ​ອະນາ​ໄມ​ໂລກ​ໄດ້​ອອກ​ຖະ​ແຫຼງການວ່າ, ຕ້ອງ​​ສຳ​ຫຼວດຕື່ມ​ອີກ, ​ເພື່ອກຳ​ນົດຢ່າງ​ຢ່າງ​ຄັກ​ແນ່​​ເຊື້ອ​​ໂຣກ​ໄຂ້ຫວັດ​ສັດ​ປີກ​ໄດ້​ປ່ຽນ​ແປງ​ແລ້ວ​ຫຼືບໍ່, ​ແລ້ວ​ສອດ​ຄ່ອງ​ກັບ​ການແຜ່ລະບາດລະ​ຫວ່າງມະນຸດ​ແລະ​ສັດຈຳພວກ​ລ້ຽງລູກ​ດ້ວຍ​ນົມ.