|
ຕາມຂ່າວcri:ໃນຫຼາຍມື້ມານີ້, ຜູ້ຊ່ຽວຊານຕ່າງປະເທດ,ສື່ມວນຊົນພົ້ນທະເລແລະຊາວຈີນຕ່າງດ້າວຈຳນວນຫຼວງຫຼາຍໄດ້ເອົາໃຈໃສ່ທີ່ສຸດນຳກອງປະຊຸມສອງສະພາຂອງຈີນ."ໜັງສືພິມສູນກາງລາຍວັນ"(ຄື:ຈູນອາງລາຍວັນ)ຂອງສ.ເກົາຫຼີສະບັບວັນທີ10ມີນາໄດ້ພິມບົດຄວາມຍ້ອງຍໍເສດຖະກິດຂອງຈີນພັດທະນາເປັນຢ່າງດີ,ເຫັນວ່າຊັ້ນນຳຂອງຈີນຊ່າງຖອດຖອນບົດຮຽນທາງບວກແລະທາງລົບຂອງປະເທດອ້ອມຂ້າງ,ຄວາມກ້າວໜ້າດ້ານເຕັກນິກ,ສະມັດຖະພາບການຜະລິດສູງຂຶ້ນແລະນະໂຍບາຍໄຂປະຕູສູ່ພາຍນອກຂອງຈີນລ້ວນແຕ່ຈະຊຸກຍູ້ເສດຖະກິດຂອງຈີນຮັກສາຈັງຫວະເຕີບໂຕຂ້ອນຂ້າງໄວພາຍໃນໄລຍະໃດໜຶ່ງ.
ຫວ່າງມໍ່ໆນີ້,ໃນເວລາໃຫ້ສຳພາດຕໍ່ນັກຂ່າວຂອງຈີນ,ຜູ້ຊ່ຽວຊານດ້ານບັນຫາຈີນຂອງມະຫາວິທະຍາໄລປາຣີຂອງຝຣັ່ງຊີ້ອອກວ່າ,ກອງປະຊຸມສອງສະພາຂອງຈີນທີ່ພວມໄຂຂຶ້ນໃນປັດຈຸບັນໄດ້ສະແດງໃຫ້ເຫັນແນວຄິດໃໝ່ຈຳນວນໜຶ່ງຂອງລັດຖະບານຈີນໃນການປົກຄອງປະເທດ,ລັດຖະບານຈີນປະກາດໃຊ້ນະໂຍບາຍທີ່ອ່ຽງໄປສູ່ຊົນນະບົດນັ້ນຈະເຮັດໃຫ້ສັງຄົມຈີນແຮ່ງກ້ຳເກິ່ງກັນ.
ສື່ມວນຊົນບຸນກາລີໄດ້ພິມບົດຄວາມຊີ້ອອກວ່າ,ໃນສອງສາມປີຂ້າງໜ້ານີ້,ຈີນຈະພະຍາຍາມເຮັດໃຫ້ຄວາມຜິດໂຕນກັນລະຫວ່າງຊົນນະບົດກັບຕົວເມືອງໜ້ອຍລົງ,ນີ້ແມ່ນການປ່ຽນແປງອັນອັນມະຫາສານ.
|
