|
|
 |
| (GMT+08:00)
2006-03-10 17:29:22
|
 |
|
ໜັງສືພິມຂອງອາເມລິກາກ່າວວ່າ ສປປເກົາຫຼີສະເໜີເງື່ອນໄຂ 4 ຂໍ້ກ່ຽວກັບການກັບຄືນການເຈລະຈາ 6 ຝ່າຍ
cri
Author: da
|
ຕາມຂ່າວສານຊິນຮວາ:ວັນທີ 9 ມີນາ ໜັງສືພິມວໍຊິງຕັນພົສຂອງອາເມລິກາແຈ້ງຂ່າວວ່າ,ວັນທີ 7 ມີນາ ທ່ານລີກູນ ຫົວໜ້າກົມທະວີບອາເມລິກາຂອງກະຊວງການຕ່າງປະເທດສປປເກົາຫຼີ ຮອງປະທານຄະນະຜູ້ແທນສປປເກົາຫຼີຂອງການເຈລະຈາ 6 ຝ່າຍໄດ້ພົບປະກັບເຈົ້າໜ້າທີ່ອາເມລິກາຢູ່ສຳນັກງານຜູ້ແທນຂອງອາເມລິກາປະຈຳສະຫະປະຊາຊາດທີ່ນິວຢອກ.ໃນການພົບປະ ທ່ານລີກູນໄດ້ສະເໜີເງື່ອນໄຂ 4 ຂໍ້ຕໍ່ອາເມລິກາກ່ຽວກັບການຟື້ນຟູເຂົ້າຮ່ວມການເຈລະຈາ 6 ຝ່າຍ,ນັ້ນກໍຄື:ຢຸດຕິການລົງໂທດສປປເກົາຫຼີທາງການເງິນ;ສ້າງຕັ້ງໜ່ວຍງານປະສົມສປປເກົາຫຼີອາເມລິກາ,ສຳຫຼວດບັນຫາ"ປອມແປງເງິນຕາ";ອະນຸຍາດໃຫ້ສປປເກົາຫຼີເຂົ້າອອກລະບົບທະນາຄານຂອງອາເມລິກາ;ສະໜອງການຊ່ອຍເຫຼືອດ້ານເຕັກນິກເພື່ອຈຳແນກເງິນປອມໃຫ້ສປປເກົາຫຼີ.ຂ່າວຍັງແຈ້ງອີກວ່າ,ໃນການພົບປະ ທ່ານລີກູນໄດ້ກ່າວເຕືອນອີກຄັ້ງໜຶ່ງໃຫ້ຝ່າຍອາເມລິກາຕ້ອງຢຸດຕິການເຄື່ອນໄຫວໂຄສະນາຕ່າງໆເຊັ່ນ:ອັນທີ່ວ່າສປປເກົາຫຼີ"ປອມແປງເງິນຕາ"ແລະ"ຟອກເງິນ"ເປັນຕົ້ນ.ທ່ານເວົ້າວ່າ,ບໍ່ມີຫຼັກຖານຢັ້ງຢືນໃຫ້ເຫັນວ່າ ສປປເກົາຫຼີດຳເນີນການເຄື່ອນໄຫວທີ່ຜິດກົດໝາຍ,ສປປເກົາຫຼີຈະໃສ່"ໝວກ"ນີ້ໄປເຂົ້າຮ່ວມການເຈລະຈາ 6 ຝ່າຍບໍ່ໄດ້.
|
|
|
