|
|
 |
| (GMT+08:00)
2006-03-13 11:31:44
|
 |
|
ກອງປະຊຸມຄັ້ງປະຖົມມະເລີກຂອງສະພາຊຸດໃໝ່ຂອງອີຣັກຈະຈັດຂຶ້ນໃນວັນທີ 16 ມີນາ
cri
Author: min
|
ຕາມຂ່າວCRI: ວັນທີ 12 ມີນາ, ທ່ານທາລາບານີ ປະທານາທິບໍດີລັດຖະບານຂ້າມຜ່ານອີຣັກປະກາດວ່າ, ກອງປະຊຸມຄັ້ງປະຖົມມະເລີກຂອງສະພາຊຸດໃໝ່ຂອງອີຣັກຈະຈັດຂຶ້ນໃນວັນທີ 16 ມີນາ.
ຫຼັງຈາກໄດ້ພົບປະເຈລະຈາກັບທ່ານຮາລິນຈາດເອກອັກຄະລັດຖະທູດອາເມລິກາປະຈຳອີຣັກ, ທ່ານຮາຄິມ ປະທານຄະນະກຳມະການປະຕິວັດອິສລາມສູງສຸດຂອງອີຣັກແລະຜູ້ນຳພັກການເມືອງອື່ນໆແລ້ວ, ທ່ານທາລາບານີໄດ້ອອກຖະແຫຼງການ, ກ່າວລື້ມວ່າ, ຫຼັງຈາກກອງປະຊຸມຄັ້ງທຳອິດຂອງສະພາຊຸດໃໝ່, ບັນດາຝ່າຍທີ່ກ່ຽວຂ້ອງຈະຈັດການເຈລະຈາກ່ຽວກັບການຈັດຕັ້ງລັດຖະບານຕໍ່ໄປ, ເພື່ອມ້າງສະພາບການເມືອງທີ່ແຂງກະດ້າງໃນສະເພາະໜ້າໂດຍໄວ.
ໃນມື້ດຽວກັນ, ທ່ານຈາຝາຣີ ນາຍົກລັດຖະມົນຕີລັດຖະບານຂ້າມຜ່ານອີຣັກເວົ້າວ່າ, ຈະແກ້ໄຂຄວາມເຫັນຂັດກັນໃນບັນຫາຈັດຕັ້ງລັດຖະບານລະຫວ່າງບັນດາຝ່າຍການເມືອງອີຣັກຕາມລັດຖະທຳມະນູນສະບັບໃໝ່ທີ່ຜ່ານຮັບຮອງໃນເດືອນຕຸລາປີກາຍ. ທ່ານເວົ້າວ່າ, ອີຣັກຈະຜ່ານຜ່າອຸປະສັກບົນເສັ້ນທາງສ້າງສາປະຊາທິປະໄຕຄືນໃໝ່ຕາມຂໍ້ກຳນົດທີ່ກ່ຽວຂ້ອງໃນລັດຖະທຳມະນູນ, ແຕ່ຫາກບໍ່ແມ່ນແກ້ໄຂບັນຫາດ້ວຍວິທີປາບປາມຫຼືຜະເດັດການ.
1 2 3 4
|
|
|
