|
|
 |
| (GMT+08:00)
2006-03-14 17:34:31
|
 |
|
ຝ່າຍຄ້ານຂອງໄທຈັດງານຊຸມນຸມທວງໃຫ້ທ່ານທັກສິນລາອອກຈາກຕຳແໜ່ງ
cri
Author: da
ຕາມຂ່າວສານຊິນຮວາ:ວັນທີ 14 ມີນາ,ຝ່າຍຄ້ານຂອງໄທໄດ້ຈັດງານຊຸມນຸມຢູ່ໜ້າສຳນັກງານນາຍົກລັດຖະມົນຕີ,ທວງໃຫ້ທ່ານທັກສິນ ຊິນນະວັດລາອອກຈາກຕຳແໜ່ງ.ນີ້ແມ່ນຝ່າຍຄ້ານຂອງໄທຈັດງານຊຸມນຸມຄັດຄ້ານທ່ານທັກສິນ ຊິນນະວັດຢູ່ໜ້າສຳນັກງານນາຍົກລັດຖະມົນຕີເທື່ອທີ 2 ແຕ່ເດືອນກຸມພາປີນີ້ເປັນຕົ້ນມາ.
ມີປະມານໜຶ່ງແສນຄົນໄດ້ເຂົ້າຮ່ວມງານຊຸມນຸມສັນຕິພາບໃນມື້ດຽວກັນ.ຜູ້ເຂົ້າຮ່ວມການຊຸມນຸມໄດ້ປາຖະກະຖາຢູ່ໜ້າສຳນັກງານນາຍົກລັດຖະມົນຕີ,ທວງໃຫ້ທ່ານທັກສິນລາອອກຈາກຕຳແໜ່ງ.
ຕາມໄດ້ຊາບ,ປະຈຸບັນ ຝ່າຍຕຳຫຼວດຂອງໄທໄດ້ເພີ່ມທະວີໃຊ້ມາດຕະການຮັກສາຄວາມປອດໄພຢູ່ໃຈກາງເມືອງບາງກອກ.
ນອກນີ້ຂ່າວແຈ້ງວ່າ,ໃນຕອນເຊົ້າວັນທີ 14 ມີນາ ທ່ານທັກສິນພວມເຂົ້າຮ່ວມການແຂ່ງຂັນເລືອກຕັ້ງຢູ່ພາກອີສານຂອງໄທ ໄດ້ປະຕິເສດຂ່າວທີ່ທ່ານລາອອກຈາກຕຳແໜ່ງ,ແລະກ່າວວ່າ ຖ້າວ່າງານຊຸມນຸມຜັນປ່ຽນເປັນກຳລັງຮຸນແຮງ,ທ່ານຈະປະກາດເຂົ້າສູ່ສະພາວະສຸກເສີນ.
ໂດຍແນໃສ່ສຽງຮຽກຮ້ອງຂອງຝ່າຍຄ້ານພາຍໃນປະເທດໄທທີ່ທວງໃຫ້ທ່ານທັກສິນລາອອກຈາກຕຳແໜ່ງນັບມື້ນັບແຮງຂຶ້ນ,ໃນວັນທີ 24 ກຸມພາ,ທ່ານທັກສິນໄດ້ປະກາດຍຸບສະພາຕ່ຳ,ແລະກຳນົດວ່າຈະຈັດການເລືອກຕັ້ງທົ່ວໄປໃນວັນທີ 2 ເມສາ,ແຕ່ພັກຝ່າຍຄ້ານ 3 ພັກໄດ້ປະກາດຮ່ວມກັນຂວ້ຳບາດການເລືອກຕັ້ງທົ່ວໄປ.
|
|
|
