|
|
 |
| (GMT+08:00)
2006-03-15 13:23:45
|
 |
|
ສື່ມວນຊົນແລະນັກປາດຕ່າງປະເທດສືບຕໍ່ເອົາໃຈໃສ່ນຳກອງປະຊຸມສອງສະພາຂອງຈີນ
cri
Author: min
ຕາມຂ່າວສານຊິນຮວາ: ຂ່າວກອງປະຊຸມສອງສະພາຂອງຈີນປິດປະຊຸມໄດ້ຮັບຄວາມເອົາໃຈໃສ່ທີ່ສຸດຈາກສື່ມວນຊົນແລະນັກປາດຕ່າງປະເທດ, ໂດຍສະເພາະແມ່ນເນື້ອໃນກ່ຽວກັບບັນຫາຊົນນະບົດ, ບັນຫາໄຕ້ຫວັນແລະໂຄງຮ່າງແຜນພັດທະນາເສດຖະກິດແລະສັງຄົມ 5 ປີຄັ້ງທີ 11 ຂອງກອງປະຊຸມສອງສະພາໄດ້ພາໃຫ້ມີສຽງສະທ້ອນຢ່າງຟົດຟື້ນ.
ໃນເວລາໃຫ້ສຳພາດຕໍ່ນັກຂ່າວ, ດອກເຕີລ້າຍຮົງອີ້ ນັກຄົ້ນຄວ້າຂອງສະຖາບັນຄົ້ນຄວ້າອາຊີຕາເວັນອອກຂອງມະຫາວິທະຍາໄລແຫ່ງຊາດສິງກະໂປເວົ້າວ່າ, ການສ້າງຊົນນະບົດໃໝ່ສັງຄົມນິຍົມ, ຈະຊ່ອຍຫຍໍ້ຄວາມຜິດໂຕນກັນລະຫວ່າງຕົວເມືອງກັບຊົນນະບົດໃຫ້ໜ້ອຍລົງ, ເຮັດໃຫ້ຊົນນະບົດແລະກະສິກຳຈີນມີຊ່ອງຫວ່າງພັດທະນາແບບຍືນຍົງ.
ວັນທີ 14 ມີນາ, ໜັງສືພິມຣັດຊິສກາຢາ ກາເຊຕາ ຣັດເຊຍໄດ້ພິມບົດຄວາມ, ເຫັນວ່າກອງປະຊຸມສອງສະພາຂອງຈີນໄດ້ທຳການຕົກລົງທີ່ບໍ່ເຄີຍມີມາກ່ອນ, ເຮັດໃຫ້ມາດຕະການສັບຊ້ອນຢ່າງມີແຜນການຂອງລັດເຊື່ອມຕໍ່ກັບການປະຕິຮູບຕະຫຼາດຕື່ມອີກ.
ສື່ມວນຊົນສ.ເກົາຫຼີຕ່າງໄດ້ແຈ້ງຂ່າວປິດກອງປະຊຸມສອງສະພາຂອງຈີນ. ໜັງສືພິມເສດຖະກິດເຊອຸນຊີ້ອອກວ່າ, ກອງປະຊຸມເທື່ອນີ້ໄດ້ຫາລືແລະຜ່ານນະໂຍບາຍຫຼາຍລາຍກ່ຽວກັບການພັດທະນາເສດຖະກິດແລະສັງຄົມຂອງຈີນໃນ5 ປີຂ້າງໜ້າ, ແກນກາງຂອງນະໂຍບາຍເຫຼົ່ານີ້ກໍ່ແມ່ນ: ພັດທະນາຢ່າງກົມກຽວກັນໃນທ່າມກາງຄວາມໝັ້ນທ່ຽງ.
ໃນເວລາໃຫ້ສຳພາດຕໍ່ນັກຂ່າວ, ທ່ານນາງມາເກີເຣດໂຄນີສ ຜູ້ອຳນວຍການບໍລິຫານງານຂອງຄະນະມົນຕີການຄ້າການາດາຈີນເວົ້າວ່າ, ລັດຖະບານຈີນສະເໜີເອົາອຸດສາຫະກຳຫຼໍ່ລ້ຽງກະສິກຳ, ໃຊ້ມາດຕະການຫຼຸດພາສີອາກອນຂອງກະສິກອນແລະໃຫ້ຊາວກະສິກອນມີລາຍໄດ້ເພີ່ມຂຶ້ນ, ສ້າງສາພື້ນຖານໂຄງລ່າງໃນຊົນນະບົດໃຫ້ດີຂຶ້ນອີກແລະອື່ນໆ, ມີຜົນດີຕໍ່ການພັດທະນາກວມລວມຂອງຈີນໃຫ້ກົມກຽວກັນ.
|
|
|
