|
|
 |
| (GMT+08:00)
2006-03-15 17:47:39
|
 |
|
ສື່ມວນຊົນແລະນັກປາດຕ່າງປະເທດສືບຕໍ່ເອົາໃຈໃສ່ນຳກອງປະຊຸມສອງສະພາຂອງຈີນ
cri
Author: da
ຕາມຂ່າວCRI:ຂ່າວອັດກອງປະຊຸມສອງສະພາຂອງຈີນໄດ້ຮັບຄວາມເອົາໃຈໃສ່ທີ່ສຸດຈາກສື່ມວນຊົນແລະນັກປາດຕ່າງປະເທດ, ໂດຍສະເພາະແມ່ນເນື້ອໃນກ່ຽວກັບບັນຫາຊົນນະບົດແລະແຜນກຳນົດ 5 ປີຄັ້ງທີ 11 ຂອງກອງປະຊຸມສອງສະພາໄດ້ພາໃຫ້ມີສຽງສະທ້ອນຢ່າງຟົດຟື້ນ.
ໜັງສືພິມລຽນເຫີຈາວປ້າວສະບັບວັນທີ 15 ມີນາຂອງສິງກະໂປໄດ້ພິມບົດວິຈານເຫັນວ່າ,"ແຜນກຳນົດ 5 ປີ"ທີ່ຖືກຮັບຮອງໃນກອງປະຊຸມສະພາປະຊາຊົນແຫ່ງຊາດຈີນນັ້ນໄດ້ສະແດງໃຫ້ເຫັນວ່າ,"ພັດທະນະທັດວິທະຍາສາດ"ໄດ້ກາຍເປັນຫຼັກຊີ້ນຳຂອງລັດຖະບານຈີນໃນການປົກຄອງອຳນາດໃນອະນາຄົດຢ່າງເປັນທາງການແລ້ວ.ຫວ່າງມໍ່ໆນີ້,ທ່ານດອກເຕີລ້າຍຮົງອີ້ ນັກຄົ້ນຄວ້າຂອງສະຖາບັນຄົ້ນຄວ້າອາຊີຕາເວັນອອກຂອງມະຫາວິທະຍາໄລແຫ່ງຊາດສິງກະໂປເວົ້າວ່າ, ການສ້າງຊົນນະບົດສັງຄົມນິຍົມແບບໃໝ່,ຈະຊ່ອຍຫຍໍ້ຄວາມຜິດໂຕນກັນລະຫວ່າງຕົວເມືອງກັບຊົນນະບົດໃຫ້ໜ້ອຍລົງ, ເຮັດໃຫ້ຊົນນະບົດແລະກະສິກຳຈີນມີຊ່ອງຫວ່າງພັດທະນາແບບຍືນຍົງ.
ຫວ່າງມໍ່ໆນີ້,ໜັງສືພິມເສດຖະກິດເຊອຸ່ນແລະໜັງສືພິມເສດຖະກິດກ້າວໜ້າຂອງສ.ເກົາຫຼີ ແລະໜັງສືພິມໂຣຊິສກາຢາ ກາເຊຕາຂອງຣັດເຊຍໄດ້ພິມບົດຄວາມຊີ້ອອກວ່າ,ກອງປະຊຸມສອງສະພາຂອງຈີນໄດ້ທຳການຕົກລົງທີ່ບໍ່ເຄີຍມີມາກ່ອນ,ເຮັດໃຫ້ມາດຕະການສັບຊ້ອນຢ່າງມີແຜນການຂອງລັດເຊື່ອມຕໍ່ກັບການປະຕິຮູບຕະຫຼາດຕື່ມອີກ.ກອງປະຊຸມເທື່ອນີ້ໄດ້ຫາລືແລະຜ່ານນະໂຍບາຍຫຼາຍລາຍກ່ຽວກັບການພັດທະນາເສດຖະກິດແລະສັງຄົມຂອງຈີນໃນ5ປີຂ້າງໜ້າ,ແກນກາງຂອງນະໂຍບາຍເຫຼົ່ານີ້ກໍ່ແມ່ນ: ພັດທະນາຢ່າງກົມກຽວກັນໃນທ່າມກາງຄວາມໝັ້ນທ່ຽງ.
ໜັງສືພິມຮວນຊີວຮວາປ້າວຂອງການາດາໄດ້ພິມບົດວິຈານຊີ້ອອກວ່າ,ການເອົາໃຈໃສ່ນຳກຸ່ມຄົນທີ່ຢູ່ທ່າອ່ອນ,ແມ່ນເຂັ້ມທິດຕົ້ນຕໍທີ່ກວດລັດຖະບານໃກ້ຊິດແລະຮັກແພງປະຊາຊົນຫຼືບໍ່.ທ່ານນາງມາເກີເຣດໂຄນີສ ຜູ້ອຳນວຍການບໍລິຫານງານຂອງຄະນະມົນຕີການຄ້າການາດາຈີນເວົ້າວ່າ,ລັດຖະບານຈີນສະເໜີເອົາອຸດສາຫະກຳຫຼໍ່ລ້ຽງກະສິກຳ,ສ້າງສາພື້ນຖານໂຄງລ່າງໃນຊົນນະບົດໃຫ້ດີຂຶ້ນອີກແລະອື່ນໆ,ມີຜົນດີຕໍ່ການພັດທະນາກວມລວມຂອງຈີນໃຫ້ກົມກຽວກັນ.
|
|
|
